ରାଜଧାନୀରୁ ଏକ କୁଇଣ୍ଟାଲ ଗଞ୍ଜେଇ ଜବତ, ୫ ଗିରଫ

ଭୁବନେଶ୍ୱର: ରାଜଧାନୀରୁ ପୁଣି ଜବତ ହେଲା ଗଞ୍ଜେଇ । ଭୁବନେଶ୍ୱରର ଆଇଗିଣିଆ ଅଞ୍ଚଳରୁ ଏକ କୁଇଣ୍ଟାଲ ଗଞ୍ଜେଇ ଜବତ କରିଛି ଖଣ୍ଡଗିରି ଥାନା ପୋଲିସ । ଏକ କୁଇଣ୍ଟାଲ ଗଞ୍ଜେଇ ସହ ୫ ଜଣଙ୍କୁ ଗିରଫ କରିଛି ପୋଲିସ । ତେବେ ଜବତ ଗଞ୍ଜେଇର ଆନୁମାନିକ ମୂଲ୍ୟ ୭ ଲକ୍ଷ ଟଙ୍କା ହେବ ବୋଲି ପୋଲିସ ସୂଚନା ଦେଇଛି । ଫୁଲବାଣୀରୁ ଭୁବନେଶ୍ୱର ଗଞ୍ଜେଇ ଆସିଥିଲା । ଜଟଣୀରେ ବିକ୍ରି କରିବାକୁ ଯୋଜନା କରିଥିଲେ । ଗଂଜେଇ କାରବାର ନେଇ ଉକ୍ତ ୫ ଜଣଙ୍କୁ ପୋଲିସ ଅଧିକ ପଚରା ଉଚୁରା ଜାରି ରଖିଛି । ତେବେ ଗଞ୍ଜେଇ ଜବତ ବେଳେ ଗିରଫ ହୋଇଥିବା ୫ ଜଣଙ୍କୁ ଆଜି କୋର୍ଟ ଚାଲାଣ କରାଯିବ ।