ରାସ୍ତା ଉପରେ ପଡ଼ିଛି ନବଜାତର କଟାମୁଣ୍ଡ, ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ

ଅନୁଗୁଳ: ଅନୁଗୁଳ ଜିଲ୍ଲା ମିଶ୍ରପଡ଼ାରେ ଦେଖିବାକୁ ମିଳିଛି ଏକ ଅଭାବନୀୟ ଘଟଣା । ରାସ୍ତା ଉପରେ ପଡିଛି ଏକ ନବଜାତର କଟାମୁଣ୍ଡ । ଏଭଳି ହୃଦୟ ବିଦାରକ ଦୃଶ୍ୟ ଦେଖି ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି ହୋଇଛି । ଗୁରୁବାର ସକାଳେ ରାସ୍ତା ଉପରେ କଟାମୁଣ୍ଡ ଦେଖିବା ପରେ ସ୍ଥାନୀୟ ଲୋକ ପୋଲିସକୁ ଖବର ଦେଇଥିଲେ । ତେବେ ରାସ୍ତା ଉପରକୁ ମୁଣ୍ଡଟି କେମିତି ଆସିଲା ତାହା ଜଣା ପଡି ନାହିଁ ।

ତେବେ ସୂଚନା ଅନୁସାରେ ଶିଶୁର ଶରୀରକୁ କୁକୁର ଖାଇ ଦେଇଥିବା ଜଣାପଡିଛି । ପାଖରେ ଏକ ନର୍ସିଂହୋମ ରହିଛି । ତେଣୁ କାହାର ମୃତ ଶିଶୁ ଜନ୍ମ ପରେ ଡ଼ଷ୍ଟବିନରେ ଶିଶୁଟିକୁ ଫୋପାଡ଼ି ଦେଇଥିବା ସନ୍ଦେହ କରାଯାଉଛି ।