ମହଙ୍ଗା ପଡ଼ିଲା କ୍ଷୀରରେ ଗାଧୋଇବା, ଭାଇରାଲ ପରେ ଗିରଫ ହେଲେ

ନୂଆଦିଲ୍ଲୀ: ଆପଣଙ୍କ ନିକଟରେ ପହଞ୍ଚୁଥିବା ଦୁଗ୍ଧ ଜାତୀୟ ପ୍ରଡକ୍ଟ କେତେ ସୁରକ୍ଷିତ? ଆପଣ ଖାଉଥିବା ଖାଦ୍ୟରେ କେତେ ଶୁଦ୍ଧତା ଅଛି? କମ୍ପାନୀ ଆପଣଙ୍କ ସହିତ ବିଶ୍ୱାସଘାତକତା କରୁନାହିଁ ତ? କ’ଣ କେବେ ଏଭଳି ପ୍ରଶ୍ନ ଆପଣଙ୍କ ମନକୁ ଆସିଛି? ଆଉ ଯଦି ସେହିଭଳି କିଛି ଘଟଣା ଆପଣଙ୍କ ସହିତ ଘଟୁଛି ଆପଣ କେଉଁଭଳି ପ୍ରତିକ୍ରିୟା ଦେଖାଇବେ ? ନିକଟରେ ଏହା ସହିତ ଜଡ଼ିତ ସେହିଭଳି ଏକ ଭିଡ଼ିଓ ସାମ୍ନାକୁ ଆସିଛି, ଯାହାକୁ ଦେଖିବାମାତ୍ରେ ଆପଣ ଆଶ୍ଚର୍ଯ୍ୟ ହୋଇଯିବେ । ଭାଇରାଲ ଭିଡ଼ିଓରେ ଏକ ଡେୟରୀ କମ୍ପାନୀର କର୍ମଚାରୀ ପ୍ଲାଣ୍ଟ ମଧ୍ୟରେ କ୍ଷୀରରେ ଗାଧୋଉ ଥିବାର ନଜର ଆସିଛି ।

ଏହି ଭାଇରାଲ ଘଟଣା ତୁର୍କୀର ଏକ ଡେୟରୀ କମ୍ପାନୀର । କ୍ଷୀରରେ ସ୍ନାନ କରୁଛନ୍ତି ପ୍ଲାଣ୍ଟର ଜଣେ କର୍ମଚାରୀ । ଆଉ ଏହି ଭିଡ଼ିଓକୁ କ୍ୟାମେରାରେ କେହି ଜଣେ କଏଦ କରିଛି । ଯାହାପରେ ଭିଡ଼ିଓ ପ୍ରଥମେ ଟିକଟକରେ ଭାଇରାଲ ହୋଇଥିଲା ଏବଂ ପରେ ପରେ ଅନ୍ୟ ସୋସିଅଲ ମିଡିଆ ପ୍ଲାଟଫର୍ମରେ । କିନ୍ତୁ ଫୁଟେଜକୁ ନେଇ ନିଜର ରାୟ ଦେଇଛନ୍ତି ଡେୟରୀ ପ୍ଲାଣ୍ଟ ସହିତ ଜଡ଼ିତ ପ୍ରଶାସନ । ତାଙ୍କ କହିବା ଅନୁସାରେ ତାହା କ୍ଷୀର ନୁହେଁ ବରଂ ସଫା କରିବାର ଏକ ଲିକ୍ୱିଡ ଥିଲା । ଅବଶ୍ୟ କମ୍ପାନୀ ଏହାକୁ ନେଇ କଡ଼ା କାର୍ଯ୍ୟାନୁଷ୍ଠାନ ଗ୍ରହଣ କରିଛି ଏବଂ ଉକ୍ତ କର୍ମଚାରୀଙ୍କୁ କମ୍ପାନୀରୁ ବାହାର କରିଦେଇଛି ।

 

ରିପୋର୍ଟ ଅନୁସାରେ ଏହି ଫୁଟେଜ କୋନ୍ୟାର ସେଣ୍ଟ୍ରାଲ ଏନାଲୋଟିୟନର ଏକ ଡାୟରୀ ପ୍ଲାଣ୍ଟର । କ୍ଷୀରକୁଣ୍ଡ ମଧ୍ୟରେ ନଜର ଆସିଥିବା ବ୍ୟକ୍ତିଙ୍କ ନାମ ଏମରେ ସାୟର । ଭିଡ଼ିଓକୁ ଅପଲୋଡ କରିଥିବା ବ୍ୟକ୍ତିଙ୍କ ନାମ ୟୁଗୁର ତୁରଗୁଟ । ଉଭୟଙ୍କୁ ଗିରଫ କରାଯାଇଛି ।

Leave a Reply