ଶିଶୁ ପୁତ୍ରକୁ ଜନ୍ମ ଦେଲେ ମାନସିକ ବିକାରଗ୍ରସ୍ତ ମହିଳା

ଭଦ୍ରକ: ରାଜ ରାସ୍ତାରେ ପ୍ରସବ । ମାନସିକ ବିକାରଗ୍ରସ୍ତ ମହିଳା ହେଲେ ମାଆ । ମାଆର ସୌଭାଗ୍ୟ ଅର୍ଜନ କରିଛନ୍ତି ସତ । କିନ୍ତୁ ସେ ମାଆର ସୁଖଠୁ ବହୁ ଦୂରରେ । କାରଣ ସେ ଜଣେ ମାନସିକ ବିକାରଗ୍ରସ୍ତ । ଏଭଳି ଅଭାବନୀୟ ଘଟଣା ଘଟିଛି ଭଦ୍ରକ ଜିଲ୍ଲା ବନ୍ତ ଛକରେ ।

ମିଳିଥିବା ସୂଚନା ଅନୁସାରେ ମହିଳା ଜଣଙ୍କ ମାନସିକ ବିକୃତ । ତେବେ ବଡ଼ କଥା ହେଉଛି ମହିଳାଙ୍କ ଅସହାୟତାର ସୁଯୋଗ ନେଇ ତାଙ୍କୁ କେହି ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଫଳରେ ସେ ଗର୍ଭବତୀ ଥିଲେ ।

ଶୁକ୍ରବାର ରାତିରେ ଜନଗହଳିପୂର୍ଣ୍ଣ ବନ୍ତ ଛକରେ ଯନ୍ତ୍ରଣାରେ ଛଟପଟ ହେଉଥିଲେ ମହିଳା । କିଛି ସାମାଜିକ ସଂଗଠନର ଲୋକ ମହିଳାଙ୍କୁ ଆମ୍ବୁଲାନ୍ସ ଯୋଗେ ମେଡିକାଲରେ ଭର୍ତ୍ତି କରିଛନ୍ତି । ଏନେଇ ଖବର ପ୍ରଚାରିତ ହେବା ପରେ ଉଭୟ ମାଆ ଓ ଶିଶୁପୁତ୍ରକୁ ଉଦ୍ଧାର କରିଛନ୍ତି ।