ଭୁବନେଶ୍ୱର: ଭୁବନେଶ୍ୱରର ସାଲିଆସାହିରେ ଅବକାରୀ ସ୍କ୍ୱାଡ୍ ଏବଂ ପୋଲିସର ମିଳିତ ଚଢାଉ। ବ୍ୟାପକ ପରିମାଣର ଦେଶୀ ମଦ ଜବତ । ହଜାର ହଜାର ଲିଟର ପୋଚ ନଷ୍ଟ କଲା ଅବକାରୀ ବିଭାଗ। ୫ଟି ବଡ ଭାଟି ସହ ୧୫ରୁ ଅଧିକ ଛୋଟ ଭାଟି ଭାଙ୍ଗିଲା କଟକ ଫ୍ଲାଇଙ୍ଗ ସ୍କ୍ୱାଡ୍।
ଏଥିସହ ମଦ ରାନ୍ଧୁଥିବା ୫ ଅଭିଯୁକ୍ତଙ୍କୁ ଗିରଫ କରାଯାଇଛି । ମାମଲାରେ ସମସ୍ତ ଅଭିଯୁକ୍ତଙ୍କୁ ଅଭ୍ୟାସଗତ ଅପରାଧୀ ଦର୍ଶାଯିବ ବୋଲି ଫ୍ଲାଇଙ୍ଗ ସ୍କ୍ୱାଡ ସୂଚନା ଦେଇଛି। ଚଢାଉକୁ ଆହୁରି ବ୍ୟାପକ କରାଯିବ ବୋଲି ବିଭାଗ ପକ୍ଷରୁ ସୂଚନା ଦିଆଯାଇଛି। ଏହି ଚଢାଉରେ କଟକ ଫ୍ଳାଇଙ୍ଗ ସ୍କ୍ୱାଡ୍ ସମେତ ଭୁବନେଶ୍ୱର ଅବକାରୀ କର୍ମଚାରୀ ମଧ୍ୟ ସାମିଲ ଥିଲେ ।
