ପୁଣି ସାଳନ୍ଦୀ ନଦୀକୁ ଧସିଲା ଶହେ ଫୁଟର ସୁରକ୍ଷା ବନ୍ଧ
ଚାନ୍ଦବାଲି: ପୁଣି ସାଳନ୍ଦୀ ନଦୀକୁ ଧସିଲା ଶହେ ଫୁଟର ସୁରକ୍ଷା ବନ୍ଧ । ଚାନ୍ଦବାଲି ବ୍ଲକ୍ ଆରଡ଼ି ଶୀତଳପୁର ଗାଁ ନିକଟରେ ୧୦୦ ଫୁଟର ସୁରକ୍ଷାବନ୍ଧ ଧସିଛି । ଫଳରେ ଗାଁ ଦାଣ୍ଡରେ ଲହଡ଼ି ଭାଙ୍ଗୁଛି ଜୁଆର ପାଣି । ଭୟରେ ଜୀବନ ବିତାଉଛନ୍ତି ୨୦ ପରିବାର । ୫ଟି ଘର ସହ ଗୁହାଳ ଘର ନଦୀକୁ ଢଳି ପଡ଼ିଛି । କୋଟି କୋଟି ଟଙ୍କା କାର୍ଯ୍ଯର ସ୍ଥାୟୀତ୍ବକୁ ନେଇ ପ୍ରଶ୍ନ କରିଛନ୍ତି ଗ୍ରାମବାସୀ ।
ଗତ କିଛିମାସ ହେବ ଶୀତଳପୁର ଗାଁକୁ ସୁରକ୍ଷା ଦେବା ପାଇଁ ସାଳନ୍ଦୀ ନଦୀ ବନ୍ଧର ସ୍ଥାୟୀ ମରାମତି କାର୍ଯ୍ଯ ଚାଲିଥିଲେ ମଧ୍ଯ ବାରମ୍ବାର ନଦୀଗର୍ଭକୁ ଧସିବାରେ ଲାଗିଛି। ଫଳରେ ନଦୀକୂଳରେ ବସବାସ କରୁଥିବା ୨୦ ପରିବାର ଭୟରେ ଜୀବନଯାପନ କରୁଛନ୍ତି । କୁମ୍ଭୀର ଭୟ ମଧ୍ୟ ଲୋକଙ୍କ ନିଦ ହଜେଇ ଦେଇଛି ।
