ସମାଜସେବୀ ସ୍ୱର୍ଗତ ତିଳୋତ୍ତମାଙ୍କ ନିର୍ମିତ ଗୃହ ହେବ ପୋଲିସ ସେବା କେନ୍ଦ୍ର

ଭୁବନେଶ୍ୱର: ପୋଲିସ ସେବା କେନ୍ଦ୍ର ପାଇଁ ସମାଜସେବୀ ସ୍ୱର୍ଗତ ତିଳୋତମା ପଣ୍ଡାଙ୍କ ଦ୍ୱାରା ନିର୍ମିତ ଗୃହକୁ ଉତ୍ସର୍ଗୀକୃତ କରାଯିବ । ସେହିପରି ସେବା କେନ୍ଦ୍ର ପାଇଁ ଆବଶ୍ୟକୀୟ ସରଞ୍ଜାମ ବି ଯୋଗାଇ ଦିଆଯିବ । ଲୁଲୁ ଭାଇନା ବିକାଶ ମଂଚ ପକ୍ଷରୁ ଏଭଳି ନିଷ୍ପତି ନିଆଯାଇଛି । ଭୁବନେଶ୍ୱର କମିଶନରେଟ ପୁଲିସ କାର୍ଯ୍ୟାଳୟରେ ଏନେଇ ଡିସିପି ପ୍ରତୀକ ସିଂଙ୍କ ସହ ଏକ ପ୍ରତିନିଧିମଣ୍ଡଳୀ ଆଲୋଚନା କରିଛନ୍ତି । ଏଭଳି ମହତ୍‌ କାର୍ଯ୍ୟକୁ ଡିସିପି ଉଚ୍ଚ ପ୍ରଶଂସା କରିଛନ୍ତି ।

ଖୁବଶୀଘ୍ର ଡିସିପି ଏହି ସେବା କେନ୍ଦ୍ରକୁ ଉଦଘାଟନ କରିବେ ବୋଲି ଲୁଲୁ ଭାଇନା ବିକାଶ ମଂଚ ପକ୍ଷରୁ ସୂଚନା ପ୍ରଦାନ କରାଯାଇଛି । ଡିସିପି ଶ୍ରୀ ସିଂ ବାଲିପାଟଣା ବ୍ଳକର ଆମଣାକୁଦା ପଂଚାୟତ ସରଂପଚ ମିତାଲି ମିଶ୍ର, ଲୁଲୁ ଭାଇନା ବିକାଶ ମଂଚର ଆବାହକ ଲୁଲୁ ପଣ୍ଡା ଓ ତିହୁରୀସ୍ଥିତ ଭାଇଭଉଣୀ କ୍ଳବର ସଭାପତି କୁବେର ବେହେରା ଏନେଇ ଡିସିପି ଶ୍ରୀ ସିଂହଙ୍କ ସହ ଆଲୋଚନା କରିଛନ୍ତି । ଏହି ସେବା କେନ୍ଦ୍ର ପ୍ରତିଷ୍ଠା ହେଲେ ସ୍ଥାନୀୟ ଅଂଚଳର ଆଇନ ଶୃଙ୍ଖଳା ସ୍ଥିତି ଠିକ ରହିବା ସହ ସାଧାରଣ ଲୋକମାନେ ତ୍ୱରିତ ପୁଲିସ ସେବା ଓ ନ୍ୟାୟ ପାଇପାରିବେ ବୋଲି ଲୁଲୁ ପଣ୍ଡା ପ୍ରକାଶ କରିଛନ୍ତି ।