ମୃତ ଦେହକୁ ପୋତିବା ପୂର୍ବରୁ କ୍ଲାନ୍ତ ହୋଇ ଭୂଇଁରେ ଶୋଇଲେ ସ୍ୱାସ୍ଥ୍ୟକର୍ମୀ, ଭାଇରାଲ ହେଉଛି ଫଟୋ

1 min read

ନୂଆଦିଲ୍ଲୀ: ବିଶ୍ୱବ୍ୟାପି କରୋନା ମହାମାରୀ ତାର କାୟା ବିସ୍ତାର କରିବାରେ ଚାଲିଛି । ସଂକ୍ରମିତଙ୍କ ସଂଖ୍ୟା ଯେତିକି ବଢିବାରେ ଲାଗିଛି ତା ସହିତ ସୁସ୍ଥତା ହାର ମଧ୍ୟ ବଢ଼ୁଛି । କିନ୍ତୁ ଏଥି ମଧ୍ୟରେ ଦେଶରେ ପ୍ରାୟ ୪୦ ହଜାରରୁ ଅଧିକ ଲୋକ କରୋନା ଯୋଗୁଁ ମୃତ୍ୟୁବରଣ କରିସାରିଲେଣି । ଏହି ମହାମାରୀ ସମୟରେ ସ୍ୱାସ୍ଥକର୍ମୀମାନେ ଆଗଧାଡ଼ିରେ ଠିଆ ହୋଇ ମାନବ ସମାଜକୁ ଏହି ଭୟଙ୍କ ମହାମାରୀରୁ ରକ୍ଷା କରିବା ପାଇଁ ପ୍ରାଣପଣେ ଚେଷ୍ଟା କରୁଛନ୍ତି ।  ନିଜ ଜୀବନକୁ ବାଜି ଲଗାଇ, ସଂକ୍ରମଣ ଭୟକୁ ଏଡାଇ ନିଜ କର୍ତ୍ତବ୍ୟ କରିଚାଲିଛନ୍ତି । ଇତିମଧ୍ୟରେ ବିଭିନ୍ନ ସମୟରେ ସ୍ୱାସ୍ଥ୍ୟକର୍ମୀ ମାନେ କ୍ଲାନ୍ତ ଏବଂ ହତାଶ ହୋଇପଡ଼ୁଥିବା ଚିତ୍ର ଆମେ ଦେଖିବାକୁ ପାଇଛେ । ତଥାପି ନିଜ କର୍ତ୍ତବ୍ୟ କରିବାରେ ପଛାଇ ନାହାନ୍ତି ଏହି ଆଗ ଧାଡ଼ିର କରୋନା ଯୋଦ୍ଧା ମାନେ ।

ବର୍ତ୍ତମାନ ସୋସିଆଲ ମିଡିଆରେ କରୋନା ଯୋଦ୍ଧାଙ୍କର ଏକ ଫଟୋ ଖୁବ ଭାଇରାଲ ହେବାରେ ଲାଗିଛି । ଫଟୋରେ ପିପିଇ କିଟ୍ ପିନ୍ଧି ଭୂଇଁରେ ଶୋଇରହିଛନ୍ତି ଯୋଦ୍ଧା ଜଣଙ୍କ । ରିପୋର୍ଟ ମୁତାବକ, ସ୍ୱାସ୍ଥ୍ୟକର୍ମୀ ଜଣଙ୍କ କରୋନାରେ ମୃତ୍ୟୁବରଣ କରିଥିବା ଜଣେ ମହିଳାଙ୍କର ମୃତ ଦେହକୁ ପୋତିବା ପୂର୍ବରୁ ଟିକିଏ ବିଶ୍ରାମ କରୁଥିବା ନଜର ଆସିଛନ୍ତି । ଏହି ଫଟୋକୁ ରଟୟର୍ସ ଫଟୋଗ୍ରାଫର ଅଦନାନ୍ ଅବିଦୀ ନିଜ କ୍ୟାମେରାରେ କଏଦ କରିଛନ୍ତି  ଯାହାକୁ ସୋସିଆଲ ମିଡିଆର ଅନେକ ପ୍ଲାଟଫର୍ମରେ ସେୟାର କରାଯାଉଛି ।

ଯୋଗଦାନକୁ ସର୍ବଦା ମନେ ରଖାଯିବ

ଏହି ଫଟୋକୁ ଆଇଏଏସ ଅବନିଶ ଶରଣ ମଧ୍ୟ ସେୟାର କରିଛନ୍ତି । ଏହି ଫଟୋକୁ ସେୟାର କରି ସେ କହିଛନ୍ତି ଯେ, କରୋନାରେ ମୃତ୍ୟୁବରଣ କରିଥିବା ଜଣେ ମହିଳାଙ୍କ ମୃତଦେହକୁ ପୋତିବା ପୂର୍ବରୁ ସ୍ୱାସ୍ଥ୍ୟକର୍ମୀ ଜଣଙ୍କ କ୍ଲାନ୍ତ ଅବସ୍ଥାରେ ବିଶ୍ରାମ ନେଉଛନ୍ତି । କରୋନା ୱାରିୟର ମାନଙ୍କର ଏହି ଯୋଗଦାନ କେବଳ ଆଜି ନୁହେଁ ବରଂ ଯୁଗ ଯୁଗ ଧରି ମନେ ରଖାଯିବ । ଏହି ଫଟୋଟି ଦିଲ୍ଲୀର ଅଟେ । ଏହାକୁ ଫଟୋଗ୍ରାଫର ଅଦନାନ ଅବିଦୀ ଉଠାଇଛନ୍ତି ।

ଯୋଶ୍ , ସାହସ ଏବଂ ମାନବିକତାକୁ ପ୍ରଣାମ !

 

ସମସ୍ୟା, ହତାଶ ଏବଂ କ୍ଲାନ୍ତ

ଜଣାଇ ରଖୁଛୁ ଯେ ଭାରତରେ ରେକର୍ଡ ସ୍ତରରେ କରୋନା ସଂକ୍ରମଣ ସଂଖ୍ୟା ବୃଦ୍ଧି ପାଉଛି । ଦେଶରେ ସଂକ୍ରମିତ ମୋଟ ସଂଖ୍ୟା ୨୧ ଲକ୍ଷ ଅତିକ୍ରମ କରିଛି । ସ୍ୱାସ୍ଥ୍ୟ ମନ୍ତ୍ରଣାଳୟର ସର୍ବଶେଷ ତଥ୍ୟ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ୨୧ ଲକ୍ଷ ୫୩ ହଜାର ୦୧୧ ଲୋକ କୋରୋନାରେ ସଂକ୍ରମିତ ହୋଇଛନ୍ତି । ଏଥିମଧ୍ୟରୁ ୪୩,୩୭୯ ଜଣଙ୍କର ମୃତ୍ୟୁ ହୋଇଥିବାବେଳେ ୧୪ ଲକ୍ଷ ୮୦ ହଜାର ୮୮୪ ଜଣ ମଧ୍ୟ ଆରୋଗ୍ୟ ଲାଭ କରିଛନ୍ତି । ଗତ ୨୪ ଘଣ୍ଟା ମଧ୍ୟରେ, ୬୪ ହଜାର ୩୯୯ ନୂତନ କରୋନା ରୋଗୀ ଚିହ୍ନଟ ହୋଇଥିବା  ବେଳେ ୮୬୧ ଜଣଙ୍କର ମୃତ୍ୟୁ ହୋଇଛି ।

କରୋନା ସଂକ୍ରମଣ ସଂଖ୍ୟା ଅନୁଯାୟୀ ଭାରତ ବିଶ୍ୱର ତୃତୀୟ ସର୍ବାଧିକ ପ୍ରଭାବିତ ଦେଶ ଅଟେ । ବ୍ରାଜିଲ ପରେ କରୋନା ମହାମାରୀ ଦ୍ୱାରା ଆମେରିକା ସର୍ବାଧିକ ପ୍ରଭାବିତ ହୋଇଛି । କିନ୍ତୁ ଯଦି ଆମେ ୧୦ ଲକ୍ଷ ଜନସଂଖ୍ୟାରେ ସଂକ୍ରମିତ ରୋଗ ଏବଂ ମୃତ୍ୟୁ ହାର ବିଷୟରେ କହିବା, ତେବେ ଅନ୍ୟ ଦେଶ ତୁଳନାରେ ଭାରତ ବହୁତ ଭଲ ରହିଛି । ଭାରତ ତୁଳନାରେ ଅଧିକ ମାମଲା ଆମେରିକା ଏବଂ ବ୍ରାଜିଲରେ ରହିଛି । ଦେଶରେ କରୋନା ମାମଲାରେ ବୃଦ୍ଧି ହେବାର ଗତି ମଧ୍ୟ ବିଶ୍ୱରେ ତୃତୀୟ ସ୍ଥାନରେ ରହିଛି ।

 

 

 

About Post Author

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published.