ଚଳନ୍ତା ଟ୍ରେନ ଇଂଜିନରେ ଅଗ୍ନିକାଣ୍ଡ, ନିଆଁକୁ ଆୟତ୍ତ କଲେ ରେଳ କର୍ମଚାରୀ

ରାୟଗଡ଼ା: ରାୟଗଡ଼ା ରେଳ ଷ୍ଟେସନ ନିକଟସ୍ଥ କପିଳାସ ଛକଠାରେ ଚଳନ୍ତା ଟ୍ରେନ ଇଂଜିନରେ ଅଗ୍ନିକାଣ୍ଡ। ଘଟଣାସ୍ଥଳରେ ରେଳ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ବିଶାଖାପାଟଣାରୁ ଲାଞ୍ଜିଗଡ ଯାଉଥିବା ବକସାଇଟ ବୋଝେଇ ମାଲବାହୀ ଟ୍ରେନର ଇଂଜିନରେ ଯାନ୍ତ୍ରିକ ତ୍ରୁଟି ଯୋଗୁଁ ନିଆଁ ଲାଗିଯାଇଥିଲା । ଅଗ୍ନକାଣ୍ଡ ସଂପର୍କରେ ପାଇଲଟ ଜାଣିବା ପରେ ଟ୍ରେନକୁ କପିଳାସ ଛକରେ ଅଟକାଇ କଣ୍ଟ୍ରୋଲ ରୁମକୁ ସୂଚନା ଦେଇଥିଲେ । ୨୦ ମିନିଟ ମଧ୍ୟରେ ନିଆଁକୁ ଆୟତ୍ତ କରିଛନ୍ତି ରେଳ କର୍ମଚାରୀ । ଦୁଇ ଘଣ୍ଟା ପରେ ପୁଣି ଟ୍ରେନଟି ରାୟଗଡ଼ା ରେଳଷ୍ଟେସନ ଅଭିମୁଖେ ଯାତ୍ରା କରିଛି ।