ପୁରୀ ମେଡିକାଲ ଶିଶୁ ବିଭାଗ ୱାର୍ଡରେ ବୁଲୁଛି କୁକୁର

ପୁରୀ: ପୁରୀ ମେଡିକାଲ ଶିଶୁ ବିଭାଗ ୱାର୍ଡରେ ରାତିରେ ବୁଲୁଛି କୁକୁର । କୁକୁର ବୁଲୁଥିବାର ଦୃଶ୍ୟ ଦେଖିବାକୁ ମିଳିଛି । ସମ୍ବେଦନଶୀଳ ନବଜାତ ଶିଶୁ ବିଭାଗ ୱାର୍ଡରେ କୁକୁର ଚଳ ପ୍ରଚଳକୁ ନେଇ ଶିଶୁଙ୍କ ଜୀବନ ପ୍ରତି ବିପଦ ସୃଷ୍ଟି ହୋଇଛି । ତେବେ ଡାକ୍ତରଖାନା କର୍ତ୍ତୃପକ୍ଷଙ୍କ ଅବହେଳା ତଥା କାର୍ଯ୍ୟରେ ଥିବା ସୁରକ୍ଷା କର୍ମୀ ଓ ୱାର୍ଡ ଦାୟିତ୍ୱରେ ଥିବା କର୍ମକର୍ତ୍ତାମାନେ ଦାୟିତ୍ଵରେ ଥିଲେ ମଧ୍ୟ କୁକୁର ବୁଲିବାକୁ ନେଇ ସାଧାରଣରେ ସମାଲୋଚନା କରାଯାଇଛି ।

କୁକୁରଟିକୁ ବାରମ୍ବାର ଘଉଡ଼ାଇବା ସତ୍ୱେ ସେ ୱାର୍ଡ ଭିତରକୁ ପଳାଇଆସୁଥିବା ଦେଖିବାକୁ ମିଳିଛି। ପରେ ବାଧ୍ୟ ହୋଇ ଦ୍ୱାର ବନ୍ଦ କରାଯିବା ପରେ କୁକୁର ଆଉ ଆସି ନ ଥିଲା । ମାତ୍ର ସକାଳ ସମୟରେ କୁକୁରଟି ହସ୍ପିଟାଲର ତଳ ମହାଲରେ ବୁଲୁଥିବା ଦୃଶ୍ୟମାନ ହୋଇଥିବା ସତ୍ୱେ କର୍ତ୍ତୃପକ୍ଷଙ୍କ ଏ ନେଇ ନିଘା ନ ଥିବା ଭଳି ମନେ ହୋଇଥିଲା ।