ନୂଆଦିଲ୍ଲୀ : ଦିଲ୍ଲୀରେ ପୁଣି ସ୍ପିଡ କାର ଆତଙ୍କ। ସୁଭାଷ ନଗର ଇଲାକାରେ ଏକ ସ୍ପିଡ କାର ଧକ୍କାରେ ଗଲା ଫୁଡ ଡେଲିଭରୀ ବୟର ଜୀବନ। ମୃତକ ଜଣକ ଜୋମାଟୋର ଡେଲିଭରୀ ବୟ ବୋଲି ସୂଚନା ମିଳିଛି। ଦୁର୍ଘଟଣା ଘଟାଇଥିବା କାରର ଡ୍ରାଇଭର ମଦ ପିଇଥିଲା ବୋଲି କୁହାଯାଉଛି। କାର୍ ଧକ୍କାରେ ଗୁରୁତର ହେବା ପରେ ଡେଲିଭରୀ ବୟଙ୍କୁ ସ୍ଥାନୀୟ ଲୋକେ ହସ୍ପିଟାଲ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୋଲିସ ଦୁର୍ଘଟଣାର ତଦନ୍ତ କରୁଥିବାବେଳେ ସିସିଟିଭି ଯାଞ୍ଚ କରୁଛି।
