ସୋସିଆଲ ମଡିଆରେ ଚରିତ୍ର ସଂହାର କରୁଥିଲେ, ଥାନାରେ ଅଭିଯୋଗ ପରେ ଆକ୍ରମଣ କଲେ

ଭୁବନେଶ୍ୱର: ରାଜଧାନୀରେ ଆତଙ୍କ । ସୋସିଆଲ ମିଡିଆରେ ଚରିତ୍ର ସଂହାର କରୁଥିଲେ । ଅଶ୍ରାବ୍ୟ ଭାଷାରେ ଗାଳିଗୁଲଜ କରୁଥିଲେ । ମଞ୍ଚେଶ୍ୱର ଥାନାରେ ଏତଲା ପରେ ହିଂସ୍ର ହୋଇ ଉଠିଛନ୍ତି ଦୁର୍ବୃତ୍ତ । ଘରେ ପଶି କରିଛନ୍ତି ମରଣାନ୍ତକ ଆକ୍ରମଣ। ଆକ୍ରମଣରେ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଛନ୍ତି ମଞ୍ଚେଶ୍ବର ଥାନା ଅଞ୍ଚଳର ଉମାକାନ୍ତ ସାହୁ । ଡାକ୍ତରଖାନାରେ ଆହତଙ୍କୁ ଭେଟି  ସ୍ୱାସ୍ଥ୍ୟବସ୍ଥା ପଚାରି ବୁଝିଛନ୍ତି ଭୁବନେଶ୍ବର ମଧ୍ୟ ବିଧାୟକ ଅନନ୍ତ ନାରାୟଣ ଜେନା ।

ଅଭିଯୋଗ ଅନୁସାରେ ପଳାଶୁଣି ଗାଁର ରାଜୁ ପ୍ରଧାନ ସେହି ଗାଁର ଚଗଲା ସାହୁଙ୍କ ବିରୋଧରେ ସୋସିଆଲ ମିଡିଆରେ ଆପତ୍ତି ଜନକ ପୋଷ୍ଟ କରିଥିଲେ । ଏନେଇ ଗତକାଲି ରାତିରେ ଥାନାରେ ଏତଲା ଦେଇଥିଲେ ଚଗଲା ସାହୁ । ଏଥିରେ ଉତକ୍ଷିପ୍ତ ହୋଇଚଗଲାଙ୍କ ଭାଇ ଉମାକାନ୍ତଙ୍କୁ ଧାରୁଆ ଅସ୍ତ୍ର ଓ ଠେଙ୍ଗାରେ ଆକ୍ରମଣ କରିଥିଲା ଅଭିଯୁକ୍ତ । ପୂର୍ବରୁ ଅଭିଯୁକ୍ତ ନାଁରେ ଅନେକ ମାମଲା ମଧ୍ୟ ରହିଛି । ପୋଲିସ ମାମଲା ରୁଜୁ କରି ଅଭିଯୁକ୍ତଙ୍କୁ ବିଭିନ୍ନ ସ୍ଥାନରେ ଖୋଜାଖୋଜି କରୁଛି ।