କୋଭିଡ ସେଣ୍ଟରରେ ନିଆରା ବିବାହ, ପିପିଇ କିଟ ପିନ୍ଧି ସାତ ଜନ୍ମର ସାଥୀ ହେଲେ ବର କନ୍ୟା

ଜୟପୁର: ରାଜସ୍ଥାନର ବାରାଁ ଅଞ୍ଚଳର କେଲବାରା କୋଭିଡ ସେଣ୍ଟରରେ ବିବାହ କରିଛନ୍ତି ବର କନ୍ୟା । ପିପିଇ କିଟ ପିନ୍ଧି ଅଗ୍ନିକୁ ସାକ୍ଷୀ ରଖି ସାତ ଜନ୍ମର ବନ୍ଧନରେ ବାନ୍ଧି ହୋଇଛନ୍ତି ଏହି ନବଦମ୍ପତି । ବିବାହରେ ସପରିବାର ସହ ପୁରୋହିତ ମଧ୍ୟ ପିପିଇ କିଟ୍ ପିନ୍ଧିବାର ନଜର ଆସିଛନ୍ତି । ସୂଚନା ଅନୁଯାୟୀ ବଧୂକୁ କରୋନାର ପ୍ରାରମ୍ଭିକ ଲକ୍ଷଣ ଅନୁଭବ ହେବାପରେ ସେ କରୋନା ଟେଷ୍ଟ କରାଇଥିଲେ ।

ତେବେ ବିବାହ ତାରିଖ ଦିନ ତାଙ୍କର କରୋନା ରିପୋର୍ଟ ଆସିଥିଲା । ଯେଉଁଥିରେ ସେ କରୋନା ପଜିଟିଭ ଆସିଥିଲେ । କରୋନା ରିପୋର୍ଟ ଆସିବା ପରେ ତାଙ୍କୁ କୋଭିଡ ସେଣ୍ଟରରେ ନିଆଯାଇଥିଲା । ବିବାହ ପାଇଁ ପୂର୍ବରୁ ସବୁ ବ୍ୟବସ୍ଥା ହୋଇସାରିଥିବାରୁ ଏହାକୁ ବାତିଲ କରିବା ପାଇଁ ଉଭୟ ପକ୍ଷ ରାଜି ହୋଇନଥିଲେ । ତେଣୁ ସରକାରଙ୍କ ନିୟମ ଅନୁଯାୟୀ, ନିର୍ଦ୍ଧାରିତ ଦିନରେ ବର କନ୍ୟା ପିପିଇ କିଟ ପିନ୍ଧି ବିବାହ କରିଥିଲେ ।