ପୁରୀ: ଯାତାୟାତ ସୁବିଧା ପାଇଁ ଗୃହରାଷ୍ଟ୍ର ମନ୍ତ୍ରୀଙ୍କ ଦ୍ୱାରା ବିଜୁ ସେତୁ ଶୁଭ ଭିତ୍ତିପ୍ରସ୍ତର ସ୍ଥାପନ । ଉପକୃତ ହେବେ ୫ଟି ପଞ୍ଚାୟତର ଶତାଧିକ ଲୋକ। ପୁରୀ କାକଟପୁର ନିର୍ବାଚନ ମଣ୍ଡଳୀରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଗ୍ରାମ୍ୟ ଉନ୍ନୟନ ବିଭାଗ ଦ୍ୱାରା ଗମନାଗମନ ସହ ବିଭିନ୍ନ ନିର୍ମାଣ କାର୍ଯ୍ୟ ପାଇଁ ପ୍ୟାକେଜ ଘୋଷଣା ହୋଇଛି।
କାକଟପୁର ବିଧାୟକ ତଥା ଗୃହରାଷ୍ଟ୍ର ମନ୍ତ୍ରୀ ତୁଷାରକାନ୍ତି ବେହେରାଙ୍କ ଉପସ୍ଥିତରେ ଅସ୍ତରଙ୍ଗ ବ୍ଲକ ଭଉଁରୀଆ ନଦୀ ଉପରେ ସେତୁ ନିର୍ମାଣ ପାଇଁ ଭିତ୍ତିପ୍ରସ୍ତର ସ୍ଥାପନ ହୋଇଛି। ୫କୋଟି ୪୪ଲକ୍ଷ ୭୬ହଜାର ଟଙ୍କା ବ୍ୟୟ ଅଟକଳରେ ୬୨ମିଟର ସେତୁ ନିର୍ମାଣ ପାଇଁ ଶୁଭଭିତ୍ତି ପ୍ରସ୍ତର ସ୍ଥାପନ। ପାଣିଛତ୍ରରୁ ମହାଦେବବସ୍ତ ପ୍ରାଚୀ ନଦୀଉପରେ ବିଜୁ ସେତୁ ପାଇଁ ୫କୋଟିରୁ ଉର୍ଦ୍ଧ୍ବ ଟଙ୍କାର ଶିଳାନ୍ୟାସ କରାଯାଇଛି ।
