ସ୍ନେହର ଡୋରୀରେ ବନ୍ଧା ଭାଲୁ, ଜଙ୍ଗଲରୁ ପ୍ରତିଦିନ ଆଶ୍ରମକୁ ଆସି ଖାଆନ୍ତି ଭୋଗ ନଡ଼ିଆ-କଦଳୀ..

ନବରଙ୍ଗପୁର: ସ୍ନେହ ମମତାରେ ବନ୍ଧା ହିଂସ୍ର ଜନ୍ତୁ । ଆଜିର ସ୍ୱାର୍ଥପର ଦୁନିଆରେ ଲୋକେ ମଣିଷ ପଣିଆ ଭୁଲି ଯାଇଥିବା ବେଳେ ସମାଜକୁ ଶିକ୍ଷା ଦେଉଛି ହିଂସ୍ର ଭାଲୁ । ଲୋକଙ୍କ ଭିଡ଼ ଭିତରେ ବି କାହାର କ୍ଷତି କରୁନାହାନ୍ତି ଏହି ଭାଲୁ ପଲ । ପ୍ରତିଦିନ ଆଶ୍ରମ ଭିତରକୁ ଯାଇ ବାବାଙ୍କ ହାତରୁ ପ୍ରସାଦ ଖାଇ ବିଳମ୍ବିତ ରାତିରେ ଫେରି ଯାଉଛନ୍ତି ପାହାଡ଼କୁ । ଏମିତି ଦୃଶ୍ୟ ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲାର ଡାବୁଗାଁ ରେଞ୍ଜ ଅନ୍ତର୍ଗତ ବାସିନୀ ଗାଁରେ ।

ଟିକିଏ ସ୍ନେହ ଆଦର ପାଇଲେ ହିଂସ୍ର ଜନ୍ତୁ ବି ନିଜର ସ୍ୱଭାବରେ ପରିବର୍ତ୍ତନ କରିଦିଏ । ଲୋକଙ୍କ ମଧ୍ୟରେ ଭାଲୁଟି ବୁଲୁଥିଲେ ମଧ୍ୟ କାହାର କିଛି କ୍ଷତି କରୁନି । ଆଶ୍ରମ ଭିତରେ ବାବାଙ୍କ ହାତରୁ ପ୍ରସାଦ ଖାଇ ଫେରି ଯାଉଛନ୍ତି ଜଙ୍ଗଲକୁ । ଆଜିର ସ୍ୱାର୍ଥପର ଦୁନିଆରେ ଲୋକେ ମଣିଷ ପଣିଆ ଭୁଲି ଯାଇଥିବା ବେଳେ ସମାଜକୁ ଶିକ୍ଷା ଦେଉଛି ହିଂସ୍ର ଭାଲୁ ।

ବାସିନୀ ଗାଁରେ ରହିଛି ବାବା ଗଙ୍ଗାଧରଙ୍କ ଆଶ୍ରମ । ଅଲେଖ ମହିମା ଧର୍ମୀ ଏହି ବାବାଙ୍କ ଆଶ୍ରମରେ ପ୍ରତିଦିନ ପୂଜା ହେଉଥିବା ଭୋଗକୁ ଖାଇବାକୁ ପ୍ରତିଦିନ ଭାଲୁମାନେ ଆସିଥାନ୍ତି । କାହାର କିଛି କ୍ଷତି ନକରି ଭୋଗ ଖାଇ ଚୁପ୍‌ଚାପ୍‌ ସଂଧ୍ୟା ସନ୍ଧ୍ୟା ହେଲେ ଫେରି ଯାଉଛନ୍ତି । ଯାହାକୁ ଦେଖିବାକୁ ଲୋକଙ୍କ ଭିଡ଼ ଜମୁଛି । ଆଶ୍ରମର ଭୋଗ ଓ ଫଳମୂଳ ଫିଙ୍ଗିଦେବା ପରେ ଏହାର ବାସ୍ନାରେ ଭାଲୁମାନେ ଜଙ୍ଗଲରୁର ଚାଲି ଆସନ୍ତି । ପାଖାପାଖି ୬ଟି ଭାଲୁ ପ୍ରତିଦିନ ଆସୁଥିବା କହନ୍ତି ପୂଜକ ।