ସୁଧୁରୁଛି ଅର୍ଥନୀତି, ଅଭିବୃଦ୍ଧି ହାର ସ୍ଥିର ରହିବା ଶୁଭ ସଙ୍କେତ
ନୂଆଦିଲ୍ଲୀ: ଭାରତୀୟ ଅର୍ଥନୀତିରେ ଖୁବଶୀଘ୍ର ସୁଧାର ଆସିବ । ଆସନ୍ତା ବର୍ଷ ପ୍ରଥମ ତ୍ରୈମାସିକ ସର୍ବେକ୍ଷଣ ଅନୁସାରେ ଏଥିରେ ଉନ୍ନତି ଆସିବା ନେଇ ଆଶା ପ୍ରକଟ କରିଛନ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ।
ଦେଶର ଅର୍ଥବ୍ୟବସ୍ଥାରେ ସୁଧାର ଆଣିବାକୁ ଆରବିଆଇ ଓ କେନ୍ଦ୍ର ସରକାର ମିଳିତ ଭାବେ କାର୍ଯ୍ୟ କରୁଛନ୍ତି । ଏଚ୍ଟି ଲିଡରସିପ୍ ସମିଟରେ ଯୋଗ ଦେଇ ଅର୍ଥମନ୍ତ୍ରୀ କହିଛନ୍ତି ଯେ, ଖାଉଟି ସାମଗ୍ରୀର ଦରବୃଦ୍ଧି ଏକ ସ୍ୱଳ୍ପ ସମୟରେ ସମସ୍ୟା । ଏହା ଖୁବଶୀଘ୍ର ସମାଧାନ ହୋଇଯିବ । ଶୁକ୍ରବାର ଆରବିଆଇ ମୁଦ୍ରାନୀତି ସମୀକ୍ଷା କରି ଆସନ୍ତାବର୍ଷ ଅଭିବୃଦ୍ଧି ହାର ୭.୫ ପ୍ରତିଶତ ହ୍ରାସ ପାଇବା ନେଇ ଆକଳନ କରିଥିଲା । ଏଥିସହ ରେପୋ ରେଟ୍ ଅପରିବର୍ତ୍ତିତ ରଖିଥିଲା ଆରବିଆଇ ।
ତେବେ ଅଭିବୃଦ୍ଧି ହାର ୭.୫ ପ୍ରତିଶତରେ ସ୍ଥିର ରହିବା ଏକ ଶୁଭ ସୂଚନା ବୋଲି କହିଛନ୍ତି ସୀତାରମଣ । ଆସନ୍ତା ବଜେଟ ଆସିବା ପୂର୍ବରୁ ଏହାର ସୁଧାର ପାଇଁ ଉଦ୍ୟମ ଜାରି ରହିଛି । ଚଳିତ ବର୍ଷ ଅଧିକ ଜିଏସଟି ସଂଗ୍ରହ ଅର୍ଥବ୍ୟବସ୍ଥାରେ ସୁଧାର ଆସିବା ନେଇ ସଂକେତ ଦେଇଛି ବୋଲି ଅର୍ଥମନ୍ତ୍ରୀ କହିଛନ୍ତି ।
