ଆଜି ସ୍ଥଳଭାଗ ଛୁଇଁବ ବାତ୍ୟା ବୁରେଭୀ
1 min read
ତିରୁଅନନ୍ତପୁରମ: ଶୁକ୍ରବାର ଦିନ ବାତ୍ୟା ‘ବୁରେଭୀ’ କେରଳ ଏବଂ ତାମିଲନାଡ଼ୁ ଛୁଇଁପାରେ ବୋଲି ଆଶଙ୍କା କରାଯାଉଛି । ଏହାକୁ ଆଖି ଆଗରେ ରଖି ରାଜ୍ୟରେ ହାଇ ଆଲର୍ଟ ଜାରି କରାଯାଇଛି । ସ୍ଥିତି ସହ ଲଢ଼ିବା ପାଇଁ ରାଜ୍ୟରେ ୨୦୦୦ରୁ ବି ଅଧିକ ଆଶ୍ରୟ ସ୍ଥଳୀ ଖୋଲାଯାଇଛି । ଡିସେମ୍ବର ୫ ତାରିଖ ପର୍ଯ୍ୟନ୍ତ ମତ୍ସଜୀବୀଙ୍କୁ ସମୁଦ୍ର ଭିତରକୁ ଯିବାକୁ ବାରଣ କରାଯାଇଛି ।
IMD ର ପୂର୍ବାନୁମାନ ଅନୁଯାୟୀ ତିରୁଅନନ୍ତପୁରମ, କୋଲ୍ଲମ, ପଥନମଥିଟ୍ଟା, କୋଟ୍ଟାୟମ, ଅଲପୁଝା, ଇଡୁକ୍କୀ ଏବଂ ଏର୍ଣ୍ଣାକୁଲମ ଜିଲ୍ଲାରେ ୩ରୁ ୫ ଡିସେମ୍ବର ଯାଏ ପ୍ରବଳ ବର୍ଷା ହେବାର ସମ୍ଭାବନା ରହିଛି ।
ବୁବେରୀ ଯୋଗୁଁ ତାମିଲନାଡୁ ସ୍ଥିତ ରାମେଶ୍ୱରର ତଟ୍ଟ ଅଞ୍ଚଳରେ ପବନ ବହିବା ସହ ସମୁଦ୍ର ଅଶାନ୍ତ ରହିବ । IMD ସୂଚନା ଅନୁଯାୟୀ ବାତ୍ୟା ଗୁରୁବାର ରାତିରେ ବା ଶୁକ୍ରବାର ସକାଳେ ତାମିଲନାଡୁ ତଟ୍ଟ ଦେଶରେ ପମ୍ବନ ଏବଂ କନ୍ୟାକୁମାରୀ ଦେଇ ଗତି କରିବ ।
