ଆର୍ଜେଣ୍ଟିନା: ଆର୍ଜେଣ୍ଟିନା ଫୁଟବଲ ସୁପରଷ୍ଟାର ଡିଏଗୋ ମାରାଡୋନାଙ୍କର ହୃଦଘାତରେ ମୃତ୍ୟୁ ଘଟିଛି ବୋଲି ତାଙ୍କ ଓକିଲ ବୁଧବାର କହିଛନ୍ତି। ଏହି ମାସ ଆରମ୍ଭରେ ୬୦ ବର୍ଷୀୟ ମାରାଡୋନାଙ୍କ ମସ୍ତିଷ୍କରେ ରକ୍ତ ଜମାଟ ବାନ୍ଧୁଥିବା ଏକ ସବଡୁରାଲ୍ ହେମାଟୋମା ପାଇଁ ଜରୁରୀକାଳୀନ ଅସ୍ତ୍ରୋପଚାର କରାଯାଇଥିଲା। ପରେ ତାଙ୍କୁ ଡାକ୍ତରଖାନାରୁ ମୁକ୍ତ କରାଯାଇ ଏକ କ୍ଲିନିକକୁ ନିଆଯାଇଥିଲା ।
ସେଠାରେ ତାଙ୍କର ମଦ୍ୟପାନ ଅଭ୍ୟାସ ଛଡାଇବା ପାଇଁ ଚିକିତ୍ସା କରାଯାଉଥିଲା । ସେ ଖୁବ୍ କମ୍ ଦିନ ମଧ୍ୟରେ ମଦ୍ୟପାନ ସମ୍ପୂର୍ଣ୍ଣ ରୂପେ ଛାଡି ମଧ୍ୟ ସାରିଥିଲେ । ତେବେ ଅଚାନକ ତାଙ୍କ ମୃତ୍ୟୁ ଘଟିଲା ।
୧୯୮୬ ରେ ଆର୍ଜେଣ୍ଟିନା ପାଇଁ ବିଶ୍ୱକପ ଜିତିଥିବା ତଥା ସର୍ବକାଳୀନ ସର୍ବଶ୍ରେଷ୍ଠ ଫୁଟବଲ ଖେଳାଳି ଭାବରେ ସେ ବେଶ ଜଣାଶୁଣା ଥିଲେ ।
