ବ୍ରିଜରେ ପିଟି ହୋଇ ତଳକୁ ଖସିଲା ବାଇକ୍, ୨ ମୃତ

ସମ୍ବଲପୁର: ମର୍ମନ୍ତୁଦ ସଡକ ଦୁର୍ଘଟଣାରେ ଚାଲିଗଲା ଦୁଇ ଜୀବନ । ବିଳମ୍ବିତ ରାତିରେ ଅଘଟଣା, ବାଇକ ଆରୋହୀ ସହ ଦୁଇ ମୃତ । ସମ୍ବଲପୁର ଜିଲ୍ଲା ନାକଟିଦେଉଳ ଥାନା ରାଞ୍ଚି-ବିଜୟୱାଡା ରାସ୍ତା ଡିମିରିକୁଦା ଗ୍ରାମ ନିକଟସ୍ଥ ବ୍ରିଜରେ ମର୍ମନ୍ତୁଦ ସଡକ ଦୁର୍ଘଟଣା । ବ୍ରିଜ ଉପରୁ ବାଇକ ଖସିବା ଫଳରେ ଦୁଇ ଯୁବକ ମୃତ । ମୃତ ଯୁବକ ୨ଜଣ ହେଲେ ରେଢାଖୋଲ ଏଲଆଇସି କଲୋନୀର ଅଭିଜିତ ପାଣିଗ୍ରାହୀ ଓ ରଥ ସାହିର ରାମଚନ୍ଦ୍ର ପ୍ରଧାନ । 

ସୂଚନା ଅନୁସାରେ ଗତକାଲି ବିଳମ୍ବିତ ରାତ୍ରିରେ ବାଇକ ଯୋଗେ ଉଭୟେ ନାକଟିଦେଉଳ ପଟୁ ରେଢାଖୋଲ ଅଭିମୁଖେ ଯାଉଥିଲେ । ହେଲେ ଡିମିରିକୁଦା ଠାରେ ଭାରସାମ୍ୟ ହରାଇ ବ୍ରିଜରେ ପିଟି ହେବା ଫଳରେ ଉଭୟେ ବ୍ରିଜ ତଳକୁ ଖସି ପଡିଥିଲେ । ଘଟଣାସ୍ଥଳରେ ହିଁ ଦୁହିଁଙ୍କର ମୃତ୍ୟୁ ହୋଇଥିବା ସୂଚନା ମିଳିଛି ।