ମାଛ ରାନ୍ଧି ନପାରିବାରୁ ବଧୂହତ୍ୟା, ମାର୍ଚ୍ଚ ମାସରେ ହୋଇଥିବା ବାହାଘର

ବିହାର: ସାମାନ୍ୟ ମାଛ ରାନ୍ଧିନଜାଣିବାରୁ ବୋହୂକୁ ହତ୍ୟା କରି ପୋଖରିରେ ଭିଙ୍ଗିଦେଲେ ଶାଶୁଘର ଲୋକ । ଏଭଳି ଚାଞ୍ଚଲ୍ୟକର ଘଟଣା ଘଟିଛି ବିହାରର ସୁପୌଲ ଅଞ୍ଚଳରେ । ବୋହୂକୁ ହତ୍ୟା କରିବା ପରେ ମହିଳାଙ୍କ ମୃତଦେହକୁ ଏକ ବସ୍ତାରେ ଭର୍ତ୍ତି କରି ଗାଁ ପାଖରେ ଥିବା ଏକ କେନାଲରେ ଫିଙ୍ଗିଦେଇଥିଲେ । ବାପଘର ଲୋକଙ୍କୁ ଯେତେବେଳେ ଝିଅ ବିଷୟରେ କିଛି ସୂଚନା ମିଳିଲା ନାହିଁ, ସେତେବେଳେ ସେମାନେ ଥାନାରେ ଏତଲା ଦେଇଥିଲେ । ସ୍ଥାନୀୟ ଲୋକଙ୍କ ସୂଚନା ମତେ ପୋଲିସ ମହିଳାଙ୍କ ମୃତଦେହକୁ ଉଦ୍ଧାର କରି ଅଭିଯୁକ୍ତ ସ୍ୱାମୀ ଏବଂ ଅନ୍ୟ ଶାଶୁଘର ଲୋକଙ୍କ ବିରୋଧରେ ଏତଲା ଦାଖଲ କରିଛି ।

କୋଶୀ ନଦୀରେ ମିଳିଥିଲା ମୃତଦେହ

ରତନପୁରା ଥାନା ଢାଣ୍ଡା ଗାଁରରୁ କୋଶୀ ନଦୀର ପୂର୍ବତଟ୍ଟରୁ ଦୁଇ ଦିନ ପୂର୍ବେ ବସ୍ତାରେ ଭର୍ତ୍ତି ଏକ ମହିଲାଙ୍କ ମୃତ ଦେହ ମିଳିଥିଲା । ସ୍ଥାନୀୟ ଲୋକ ପୋଲିସକୁ ସୂଚନା ଦେବା ପରେ ମହିଳାଙ୍କ ପରିଚୟ ମିଳିପାରିଥିଲା । ଏବଂ ମହିଳାଙ୍କ ମୃତ୍ୟୁ ରହସ୍ୟ ଉପରୁ ପର୍ଦା ଉଠିଥିଲା ।

ସୂଚନା ଅନୁଯାୟୀ ପୋଲିସର ଛାନବିନ ପରେ ଜଣାପଡ଼ିଥିଲା ଯେ ମହିଳା ଜଣଙ୍କ ମୋଟିୟାରୀ ନିବାସୀ ବିଷ୍ଣୁଦେବ ପାସୱାନଙ୍କ ଝିଅ ସୁନିଲା ଦେବୀ ଅଚନ୍ତି । ୨୦୨୦ ରେ ଝିଅର ବାହଘର ସାତନପଟ୍ଟୀ ପଞ୍ଚାୟତର ଢ଼ାଣ୍ଡା ଗାଁ ନିବାସୀ ଅମଲେଶ ପାସୱାନଙ୍କ ପୁଅ ଶେୱେଶ ପାସୱାନଙ୍କ ସହ ହୋଇଥିଲା ।

ଦିପାବଳୀ ପରେ ଯେତେବେଳେ ବାପଘର ଲୋକ ଝିଅକୁ ଦେଖା କରିବା ପାଇଁ ଆସିଥିଲେ, ସେତେବେଳେ ଝିଅକୁ ଧରେ ନପାଇଁ ଅନେକ ପ୍ରଶ୍ନ କରିଥିଲେ । କିନ୍ତୁ ଶାଶୂଘର ଲୋକ ତାଙ୍କୁ ବୁଲେଇ ବଙ୍କେଇ ମିଛ କଥା କହିଥିଲେ । ଏହାପରେ ବାପଘର ଲୋକ ରତନପୁର ଥାନାରେ ସୁନିଲା ଦେବୀଙ୍କ ନିଖୋଜ ହେବାର ଏତଲା ଦେଇଥିଲେ ।

ସ୍ୱାମୀ ଏବଂ ଶ୍ୱଶୂର ଗିରଫ

ମୃତ ମହିଳାଙ୍କ ସ୍ୱାମୀ ଶେୱେଶ କୁମାର ଏବଂ ଶ୍ୱଶୂର ଅମରେଶ ପାସୱାନଙ୍କୁ ଅନେକ ଖୋଜାଖୋଜି ପରେ ରତନପୁରା କ୍ଷେତ୍ରରୁ ଗିରଫ କରାଗଲା । ପଚରାଉଚରା ପରେ ସ୍ତ୍ରୀକୁ ହତ୍ୟା କରିଥିବା କଥାକୁ ସ୍ୱୀକାର କରିଥିଲା ସ୍ୱା ଶେୱେଶ । ତେବେ ହତ୍ୟାର କାରଣ ପଚରାଯିବାରୁ, ଶେୱେଶ କହିଥିଲେ ଯେ, ସୁନୀତା ମାଛ ରାନ୍ଧିନପାରିବାକୁ କଳହ ଆରମ୍ଭ ହୋଇଥିଲା । ବିବାଦ ବଢ଼ିଲା ଏବଂ ସ୍ୱାମୀ ସହ ସୁନୀଲା ଯୁକ୍ତି କରିବାରୁ ଉତ୍ୟକ୍ତ ହୋଇ ତାକୁ ହତ୍ୟା କରିଥିଲା । ଏହି ଘଟଣଆରେ ଶେୱେଶଙ୍କ ମାଆ ଏବଂ ବାପା ମଧ୍ୟ ସହଯୋଗ କରିଥିବା ସେ କହିଥିଲେ । ରତନପୁରା ଥାନା ଅଧିକାରୀ ରଣବୀର ରାଉତଙ୍କ ସୂଚନା ଅନୁଯାୟୀ ତିନି ଅଭିଯୁକ୍ତଙ୍କ ସହ ପଚରାଫଚରା ପରେ ତାଙ୍କୁ ଜେଲ ପଠାଯିବ ।