ଡିଭିଜନାଲ ଶ୍ରମ କମିଶନରଙ୍କ କାର୍ଯ୍ୟାଳୟରେ ଠିକା କର୍ମଚାରୀ ଏବଂ ଓଟିଭି ପ୍ରତିନିଧିଙ୍କୁ ନେଇ ଆଲୋଚନା

ଭୁବନେଶ୍ୱର: ସରୁନି ସାରୁଅ ସମର । ଡିଭିଜନାଲ ଶ୍ରମ କମିଶନରଙ୍କ କାର୍ଯ୍ୟାଳୟରେ ଉଭୟ ପକ୍ଷର ପ୍ରତିନିଧିଙ୍କୁ ନେଇ ଆରମ୍ଭ ହୋଇଛି ଆଲୋଚନା । ଓଟିଭି ପକ୍ଷରୁ ଦୁଇଜଣ ଓ ଠିକା କର୍ମଚାରୀଙ୍କ ପକ୍ଷରୁ ୪ ଜଣ ଏହି ଆଲୋଚନାରେ ଉପସ୍ଥିତ ଅଛନ୍ତି । ଡିଭିଜନାଲ ଶ୍ରମ ଆୟୁକ୍ତ ଡ଼ଃ ପ୍ରଶାନ୍ତ କୁମାର ତ୍ରିପାଠୀ ଆଲୋଚନାରେ ମଧ୍ୟସ୍ଥତା କରୁଛନ୍ତି ।

ଏଥର ଓଟିଭି ଏମ୍ ଡି ଜଗି ପଣ୍ଡାଙ୍କୁ ପ୍ରିନ୍ସପାଲ ଏମ୍ପଲୟର ଭାବେ ନୋଟିସ୍ ହୋଇଥିଲା । ଅଗଷ୍ଟ ଓ ସେପ୍ଟେମ୍ବର ମାସର ଉପସ୍ଥାନ ଓ ମଜୁରୀ ସଂକ୍ରାନ୍ତୀୟ ମାଷ୍ଟର ରୋଲ ସାଙ୍ଗରେ ଆଣିବାକୁ ଶ୍ରମ ବିଭାଗ ପକ୍ଷରୁ କୁହାଯାଇଥିଲା । ତେବେ କର୍ମଚାରୀଙ୍କ ମଧ୍ୟରୁ ୪ଜଣ ଓ otv ର ୨ଜଣଙ୍କୁ ଆଲୋଚନାରେ ଅଂଶଗ୍ରହଣ ପାଇଁ ଅନୁମତି ଦେଇଛନ୍ତି ଶ୍ରମ ଅଧିକାରୀ । ତେବେ ଏପର୍ଯ୍ୟନ୍ତ ସୁଦ୍ଧା ଜାରି ରହିଛି ଆଲୋଚନା ।