ଲୁଟେରା ସାବଧାନ୍ ! ଛକ ଛକରେ ଗାଡ଼ିକୁ ଟ୍ରାକ୍ କରିବ ଏନପିଆର୍
ଭୁବନେଶ୍ୱର: ରାଜଧାନୀରେ ବଢ଼ି ଚାଲିଛି ଛିନତାଇ ଅପରାଧ । ନାକେଦମ୍ ହେଲାଣି କମିଶନରେଟ ପୋଲିସ । ମୋବାଇଲ ହେଉକି ସୁନା ଚେନ୍, ଝାମ୍ପି ନେଉଛନ୍ତି ଲୁଟେରା । ଦୀପାବଳି ଓ ଧନତରେସରେ ଛିନତାଇ ରୋକିବାକୁ କମିଶନରେଟ ପୋଲିସର ସ୍ୱତନ୍ତ୍ର ଅଭିଯାନ । ଛିନତାଇ ଗ୍ୟାଙ୍ଗକୁ ସାବାଡ୍ କରିବା ପାଇଁ ଅଣ୍ଟା ଭିଡିଛନ୍ତି ଭୁବନେଶ୍ୱର ଡିସିପି । ଲୁଟେରାଙ୍କୁ ପ୍ରମୁଖ ଛକରେ ଚେକ୍ ଦେବ ପାଇଁ ଅପରାଧୀଙ୍କ ଉପରେ ତୀକ୍ଷଣ ନଜର ରଖିବ ପୋଲିସ । ଗତ ୫ ବର୍ଷର ହୋଇଥିବା ଛିନତାଇ ଅପରାଧୀଙ୍କ ତାଲିକ ପ୍ରସ୍ତୁତ କରି ପୋଲିସ ଆରମ୍ଭ କରିଛି ଅପରେସନ୍ ।
ଭୁବନେଶ୍ୱରରେ ବଢୁଛି ଛିନତାଇ ଗ୍ରାଫ୍ । ଛିନତାଇ ଲୁଟେରା ଗ୍ୟାଙ୍କକୁ ଚେକ୍ ଦେବ ପୋଲିସ୍ । ପ୍ରମୁଖ ଛକରେ ଲାଗିବ ଏନପିଆର ବା ଆଣ୍ଟି ନମ୍ବର ପ୍ଳେଟ ରିଡର । ଛକ ଛକରେ ଲୁଟେରାଙ୍କୁ ଗାଡ଼ିକୁ ଟ୍ରାକ୍ କରିବ ଏନପିଆର । ବାଇକର ନମ୍ବରକୁ ରିଡ କରିବ ସହ ଗାଡିଟି କେଉଁ ରୁଟ୍ ଦେଇ ଚଳପ୍ରଚଳ କଲା କଣ୍ଟ୍ରୋଲରୁମ୍ ପାଖରେ ରହିବ ଡାଟା ବେସ୍ । ଗତ ୫ ବର୍ଷରେ ହୋଇଥିବା ଛିନାତଇର ଅପରାଧ ପୃଷ୍ଠାକୁ ଓଲଟାଇବା ସହ ୩୫୦ ଜଣ ଲୁଟେରାଙ୍କ ତାଲିକା ପ୍ରସ୍ତୁତ କରିଛି ପୋଲିସ । ଏହି ଲୁଟେରା ମାନଙ୍କର ଷ୍ଟାଟସ ରିପୋର୍ଟ ଦେବାକୁ ପ୍ରତି ଥାନାକୁ ନିର୍ଦ୍ଦେଶ ଦେଇଛନ୍ତି ଭୁବନେଶ୍ୱର ଡିସିପି । ସିସିଟିଭି କ୍ୟାମେରା ଉପରେ ସ୍ମାର୍ଟସିଟି ସହ ଆଲୋଚନା କରିଛି କମିଶନରେଟ ପୋଲିସ । କେବଳ ସେତିକି ନୁହେଁ ପେଶାଦାର ଅପରାଧୀଙ୍କୁ ଏନଏସଏରେ ବୁକ୍ କରିବାକୁ ଯୋଜନା କରାଯାଉଛି ବୋଲି ଭୁବନେଶ୍ୱର ଡିସିପି କହିଛନ୍ତି ।
ଦୀପାବଳି ଓ ଧନତରେସରେ ଛିନତାଇ ରୋକିବାକୁ ପୋଲିସ କରିବ ସ୍ପେଶାଲ ଡ୍ରାଇଭ୍ । ଗହଣା ଦୋକାନୀ ଓ ପୋଲିସ ମଧ୍ୟରେ ହୋଇଛି ବୈଠକ । କୋଭିଡ୍ କଟକଣା ଅନୁସାରେ ଦୋକାନ ଖୋଲିବା ପାଇଁ ନିର୍ଦ୍ଦେଶ ଦେଇଛି ପୋଲିସ । ନିୟମ ଉଲ୍ଲଂଘନ କଲେ ଦୋକାନ ସିଲ୍ କରିବାକୁ ପୋଲିସ କହିଛି । ସୁନା ଦୋକାନ ଆଗରେ ପୋଲିସ ଫୋର୍ସ ମୁତୟନ ରହିବା ସହ ପାଟ୍ରୋଲିଂ କରିବ ପିସିଆର । ଦ୍ରୁତ ଗତିରେ ବାଇକ ଚଲାଇବା ଓ ଅପରାଧ ଘଟିଲେ ପୋଲିସ କଣ୍ଟ୍ରୋଲ ରୁମ ଜଣାଇବାକୁ ଅପିଲ କରିଛନ୍ତି ଭୁବନେଶ୍ୱର ଡିସିପି ।
