ସ୍ୱାଭିମାନ ଅଞ୍ଚଳରେ ଚାଲିଛି ମାଓମୁକ୍ତ ଅଭିଯାନ, ଗୋରସେତୁରେ ପହଞ୍ଚିଲେ ଡିଜିପି

ମାଲକାନାଗିରି: ଦିନିକିଆ ସ୍ୱାଭିମାନ ଅଞ୍ଚଳ ଗସ୍ତରେ ପୋଲିସ ଡିଜି ଅଭୟ । ଗୋରସେତୁରେ ପହଞ୍ଚିଲେ ଡିଜିପି । ଗତ କିଛିଦିନ ଧରି ସ୍ୱାଭିମାନ ଅଞ୍ଚଳକୁ ମାଓମୁକ୍ତ କରିବା ଲାଗି ପୋଲିସ ଓ ସୁରକ୍ଷା ବାହିନୀ ପଦକ୍ଷେପ ନେବା ଆରମ୍ଭ କରିଦେଇଛି । ପୋଲିସ ଲୋକଙ୍କ ନିକଟତର ହେବା ଲାଗି ସ୍ୱାଭିମାନ ଅଞ୍ଚଳରେ ବିଭିନ୍ନ ସ୍ଥାନରେ ପୋଲିସ ଥାନା, ବିଏସଏଫ କ୍ୟାମ୍ପ ଆଦି ପ୍ରତିଷ୍ଠା କରାଯାଇଛି ।

ଗତ କିଛି ଦିନ ପୂର୍ବେ ଗୋରାସେତୁ ନିକଟରେ ଏକ ବିଏସଏଫ କ୍ୟାମ୍ପ ପ୍ରତିଷ୍ଠା ହୋଇଥିଲା । ଇତି ମଧ୍ୟରେ ମାଓ ଦମନ ଅଭିଯାନ କରି ପୋଲିସ ଅନେକ ସଫଳତା ମଧ୍ୟ ହାସଲ କରିଛି । ଆନ୍ଧ୍ର, ଓଡିଶା ଓ ବିଏସଏଫ ମିଳିତ ଭାବେ ସର୍ଚ୍ଚ ଓ କୁମ୍ବିଂ ଅପରେସନ ଜାରି ରଖିଛନ୍ତି । ମାଓ ଦମନ ନେଇ ଚାଲିଥିବା ବିଭିନ୍ନ ନୀତି ତଥା ଉନ୍ନୟନ ଯୋଜନାର କାର୍ଯ୍ୟକାରୀ ନେଇ ସମୀକ୍ଷା କରିବେ ଆଜି ପୋଲିସ ଡିଜି।