ସାମ୍ନାକୁ ଆସିଲା ସପ୍ତମ ଶତାବ୍ଦୀର ଐତିହାସିକ କୀର୍ତ୍ତି, ଲୋକ କହିଲେ ମହାରାଜା ବଳରାମ ଦେବଙ୍କ ସମୟର କୀର୍ତ୍ତିରାଜି

ସମ୍ବଲପୁର: କଳା-ସଂସ୍କୃତିର ରାଜ୍ୟ ଓଡ଼ିଶା । ଓଡ଼ିଶାର ମାଟି ପାଣି ପବନରେ ଭରି ରହିଛି ପ୍ରାକୃତିକ ସୌନ୍ଦର୍ଯ୍ୟ  । ଓଡ଼ିଆ ଘରର ବାର ମାସରେ ତେର ପରବ ଭଳି ଓଡ଼ିଶା ମାଟିରେ ବି ରହିଛି କିଛି ଐତିହାସିକ କିମ୍ବଦନ୍ତି । ଯାହାକି ପ୍ରମାଣ କରିଛି ସମ୍ବଲପୁର ସହର ।

ଇତିହାସର ପ୍ରାୟ ଦୁଇ ହଜାର ବର୍ଷର ପୁରୁଣା ସହର ସମ୍ବଲପୁର । ରାଜା-ରାଜୁତି ସମୟରେ ସମ୍ବଲପୁରର ରହିଥିଲା ବହୁ କ୍ଷାତ । ରାଜା ବଳରାମ ଦେବଙ୍କ ସମୟରେ ସମ୍ବଲପୁର ସହରର ନାମ ନାମିତ ହୋଇଥିବା ବେଳେ, ହୋଇଥିଲା ସମଲେଶ୍ୱରୀ ମନ୍ଦିରର ନିର୍ମାଣ । ଏବଂ ସେ ସମୟର ନଟରାଜ ମୂର୍ତ୍ତି ସହ ସପ୍ତଶତାବ୍ଦୀର ମାଟି ଇଟା ଉଦ୍ଧାର ହୋଇଛି ।

ତେବେ ହୀରାକୁଦ ଜଳଭଣ୍ଡାରର ଐତିହାସିକ କୀର୍ତ୍ତି ବିଲୀନ ହୋଇଥିବା ବେଳେ, ସମ୍ବଲପୁର ଦୁର୍ଗାପାଲିର ଦେବୀ ବନ୍ଧ ହିଡରୁ ଉଦ୍ଧାର ହୋଇଛି ହଜାରେ ବର୍ଷର ପୁରୁଣା ନଟରାଜ ମୂର୍ତ୍ତି । ଯାହାକୁ ବହୁଦିନ ଧରି ସ୍ଥାନୀୟ ଲୋକେ ଏଠାରେ ଦେବୀ ପୀଠ କହି ପୂଜା କରୁଥିବା କହିଛନ୍ତି । ଏବଂ ବୁଦ୍ଧିଜୀବୀଙ୍କ ମତରେ ଏହି ତଥ୍ୟ ଉପରେ ଗବେଷଣା ହେବ ଅତ୍ୟନ୍ତ ଜରୁରୀ । ଗବେଷଣାରେ ତଥ୍ୟ ପ୍ରମାଣିତ ହେଲେ ଓଡିଶାରେ ପର୍ଯ୍ୟଟନ ଶିଳ୍ପର ବହୁତ ବୃଦ୍ଧି ପାଇବ ।