୨୦ ବର୍ଷ ପରେ ପାକିସ୍ତାନରୁ ଫେରିବେ ଓଡ଼ିଆ ପୁଅ, ୨୫ ବର୍ଷ ହେବ ଘରୁ ପଳାଇଥିଲେ

ସୁନ୍ଦରଗଡ଼: ୨୦ ବର୍ଷ ପରେ ଗାଁ କୁ ଫେରିବ ଗାଁର ପୁଅ । ଏଥିପାଇଁ ଗାଁରେ ଖୁସିର ମାହୋଲ । ନାଚି କୁଦି ଖୁସି ମନାଉଛନ୍ତି ପରିବାର ଲୋକେ । ମନରେ ଖୁସିଯେ କହିଲେ ନସରେ । ଯେଉଁ ଦେଶରେ ବନ୍ଦୀ ହେଲେ ଫେରିବା ଅସମ୍ଭବ ସେହି ଦେଶରୁ ଫେରୁଛି ଭାରତ ମାଟିର ପୁଅ । ୨୦ ବର୍ଷ ପରେ ପୁଅକୁ ଦେଖିବ ମାଆ । ତେବେ ୨୫ ବର୍ଷ ହେବ ଘରୁ ପଳାଇଥିଲେ ଯୁବକ । ୫ ବର୍ଷ ଏଣେତେଣେ ବୁଲିବା ପରେ ପହଞ୍ଚିଥିଲେ ଆମ ଶତ୍ରୁ ଦେଶ ପାକିସ୍ତାନରେ । ଦିନେ ନୁହେଁ କି ଦୁଇ ଦିନ ନୁହେଁ, ୨୦ ବର୍ଷ କାଟିଥିଲେ ପାକିସ୍ତାନ ଜେଲରେ ।  ଏଭଳି ଏକ ଘଟଣା ଦେଖିବାକୁ ମିଳିଛି ସୁନ୍ଦରଗଡ଼ ଜିଲ୍ଳା କଟଙ୍କ ଗାଁରେ । ତାଙ୍କୁ ଏବେ ୪୫ ବର୍ଷ ।

୨୫ଵର୍ଷ ତଳେ ଘରୁ ପଳାଇ ଯାଇଥିଲେ ସୁନ୍ଦରଗଡ଼ ଜିଲ୍ଲାର କଟଙ୍ଗ ଗ୍ରାମର ବିରଜୁ କୁଲୁ । ପରିବାର ଲୋକେ ଥାନାରେ ଅଭିଯୋଗ ନକରି ଖୋଜାଖୋଜି କରିଥିଲେ । ହେଲେ ତାଙ୍କୁ ପାଇନଥିଲେ କେହି । ଭୁଲବଶତଃ ସୀମା ଡେଇଁ ପାକିସ୍ତାନ ଭିତରକୁ ଚାଲିଯାଇଥିଲେ ବିରଜୁ । ପାକିସ୍ତନରେ ଗିରଫ ହେବା ପରେ ତାଙ୍କୁ ଜେଲରେ ଭର୍ତ୍ତି କରାଯାଇଥିଲା । ସେଠାରେ ଦୀର୍ଘ ୨୦ ବର୍ଷ ପାକିସ୍ତାନ ଜେଲରେ ରହିଥିବା ବିରଜୁଙ୍କୁ ପାକିସ୍ତାନ ମୁକ୍ତ କରିଛି । ଜେଲରୁ ମୁକୁଳି ଭାରତ ଆସିଛନ୍ତି ବିରଜୁ । ଯାହାକୁ ନେଇ ବିରଜୁଙ୍କ ପରିବାର ଲୋକେ ଓ ଗ୍ରାମବାସୀ ଖୁସି ପ୍ରକାଶ କରିଛନ୍ତି ।

ପରିବାର ଲୋକେ  ଦିର୍ଘ ୨୦ ବର୍ଷ ପରେ ବିରଜୁଙ୍କୁ ଦେଖିବା ପାଇଁ ଅପେକ୍ଷା କରି ରହିଛନ୍ତି ।  ବିରଜୁ ଏବେ ଭାରତ ଫେରି ଅମୃତସରରେ ପହଞ୍ଚିବା ପରେ କ୍ୱାରେଣ୍ଟାଇନରେ ଅଛନ୍ତି । ଵିରଜୁଙ୍କୁ ସୁନ୍ଦରଗଡ଼ ଆଣିବା ପାଇଁ ପ୍ରଶାସନ ଓ ପୋଲିସ ପଷରୁ ଉଦ୍ୟମ ଆରମ୍ଭ ହୋଇଛି । ତେବେ ପୋଲିସ ପ୍ରଶାସନ ସହ ବିରଜୁଙ୍କ ପରିବାର ଲୋକେ ଅମ୍ରିତସର ଯାଇ ବିରଜୁଙ୍କୁ ଆଣିବେ ବୋଲି ସୂଚନା ରହିଛି ।