ଶାହରୁଖଙ୍କ ପାଇଁ ଐଶ୍ୱର୍ଯ୍ୟା ସାଇନ୍ କରି ପାରିନଥିଲେ ଫିଲ୍ମ

ମୁମ୍ବାଇ: ବଲିଉଡ ସୁନ୍ଦରୀ ନୀଳନୟନା ଐଶ୍ୱର୍ଯ୍ୟା ରାୟ ନିଜ ୪୬ତମ ଜନ୍ମଦିନ ପାଳୁଛନ୍ତି । ଏହି ଅବସରରେ ଐଶ୍ୱର୍ଯ୍ୟାଙ୍କୁ ଢେର ସାରା ଶୁଭେଚ୍ଛା ମିଳବାରେ ଲାଗିଛି । ଐଶ୍ୱର୍ଯ୍ୟା ତାଙ୍କ ଫିଲ୍ମ ଜୀବନରେ କେତେକ ସୁପରହିଟ୍ ଚଳଚ୍ଚିତ୍ରରେ କାମ କରିଛନ୍ତି । ତେବେ, ପୂର୍ବରୁ ବେଶ୍ ଡିମାଣ୍ଡରେ ଥିବା ଐଶ୍ୱର୍ଯ୍ୟାଙ୍କୁ ଅନେକ ଥର ଫିଲ୍ମରୁ ବାହାର କରି ଦିଆଯାଇଛି, ପୁଣି ତାଙ୍କୁ କୌଣସି କାରଣ ନ କହି ।

ନୀଳନୟନାଙ୍କ ଜୀବନରେ ଜୀବନରେ ଏମିତି କିଛି ମୁହୂର୍ତ୍ତ ବା ସମୟ ଆସିଛି ଯେତେବେଳେ ତାଙ୍କୁ ଅନେକ ଫିଲ୍ମରୁ ଅଚାନକ ବାହାର କରି ଦିଆଯାଇଥିଲା । ତେବେ, ଫିଲ୍ମରୁ ବାହାର କରି ଦିଆଯାଇଥିଲେ ମଧ୍ୟ ତାଙ୍କୁ ସେ ବାବଦରେ କୌଣସି ସ୍ପଷ୍ଟୀକରଣ ଦିଆଯାଉନଥିଲା । ଏନେଇ ଅଭିନେତ୍ରୀ ସିମି ଗ୍ରେୱାଲ, ଐଶ୍ୱର୍ଯ୍ୟାଙ୍କୁ ପଚାରିଲେ ତ ସେ କହିଥିଲେ- ଏବେ ମୁଁ ଏ ପ୍ରଶ୍ନର ଜବାବ କେମିତି ଦେବ । ହଁ ଏହା ସତ ଏମିତି ଏକ ସମୟ ଥିଲା ଯେତେବେଳେ ମୋତେ ତାଙ୍କ ସହ କିଛି ଫିଲ୍ମରେ ସୁଯୋଗ ମିଳିଥିଲା । ତେବେ, ଅଚାନକ କିଛି ବି ହୋଇନଥିଲା । କୌଣସି ସ୍ପଷ୍ଟୀକରଣ ବି ଦିଆଗଲାନି । ମୋତେ ଜଣାନାହିଁ ଏମିତି କାହିଁକି ହେଲା ।

ଐଶ୍ୱର୍ଯ୍ୟା ଯେଉଁ ଫିଲ୍ମ କଥା କହୁଛନ୍ତି ସେଥିରେ ଶାହରୁଖଙ୍କ ସୁପରହିଟ୍ ଫିଲ୍ମ ‘ବୀର ଜାରା’ ମଧ୍ୟ ସାମିଲ୍ ଅଛି । ଯାହାକୁ ନେଇ କୁହାଯାଇଛି ସେଥିରେ ପ୍ରଥମେ ଐଶ୍ୱର୍ଯ୍ୟାଙ୍କୁ ନିଆଯାଇଥିଲା । ଏମିତି ଆହୁରି ଅନେକ ଫିଲ୍ମ ହେଉଛି ଯେଉଁଥିରେ ଶାହରୁଖ ଓ ଐଶ୍ୱର୍ଯ୍ୟା ଏକାଠି ନଜର ଆସିଥାନ୍ତେ । ଏ ବିଷୟରେ ଏକ ସାକ୍ଷାତକାରରେ ଶାହରୁଖ ନିଜେ ଅବଶୋଷ ପ୍ରକାଶ କରିଥିଲେ । ସେ କହିଥିଲେ- ଐଶ୍ୱର୍ଯ୍ୟା ନିଜ ବ୍ୟକ୍ତିଗତ ଜୀବନକରେ ବେଶୀ ଅନୁପ୍ରେରିତ ହୋଇଥିଲେ, ଯାହା ଦରକାର ନଥିଲା । ଶାହରୁଖଙ୍କ ଏହି ବୟାନରେ ଐଶ୍ୱର୍ଯ୍ୟା କହିଥିଲେ- ସେ କେବେ କୌଣସି ଫିଲ୍ମ ପାଇଁ ମନା କରିନଥିଲେ ।