ଦେଶରେ କମୁଛି ସଂକ୍ରମଣ: ଏହି ରାଜ୍ୟରେ ଗତ ୨୪ଘଣ୍ଟାରେ କୌଣସି ବି ସଂକ୍ରମିତ ମୃତ୍ୟୁ ହୋଇ ନାହିଁ
ନୂଆଦିଲ୍ଲୀ: ଦେଶରେ ଖସୁଛି କରୋନା ଗ୍ରାଫ୍ । ଦିନକରେ ୪୮ହଜାର ୨୬୮ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଲେ ୫୫୧ଜଣଙ୍କ ମୃତ୍ୟୁ ହୋଇଛି । ଦେଶରେ ମୋଟ୍ କରୋନା ଆକ୍ରାନ୍ତଙ୍କ ସଂଖ୍ୟା ୮୧ଲକ୍ଷ ୩୭ହଜାର ୧୧୯ ଥିବା ବେଳେ ମୃତ୍ୟୁସଂଖ୍ୟା ଲକ୍ଷେ ୨୧ହଜାର ୬୪୧କୁ ବୃଦ୍ଧି ହୋଇଛି । ଦେଶରେ କରୋନା ଆକ୍ଟିଭ କେସ୍ ୫ଲକ୍ଷ ୮୨ହଜାର୬୪୯ଥିବା ବେଳେ ସୁସ୍ଥ ହୋଇଛନ୍ତି ୭୪ଲକ୍ଷ ୩୨ହଜାର ୮୨୯ଜଣ କରୋନା ଆକ୍ରାନ୍ତ ।
ଉଦହାରଣ ପାଲଟିଲା ଝାଡ଼ଖଣ୍ଡ
ଏଥିସହ, ୭୪.୩୨ ଲକ୍ଷ ଲୋକ ସଂକ୍ରମଣମୁକ୍ତ ହୋଇଥିବାବେଳେ ଦେଶରେ ରୋଗୀଙ୍କ ସିସ୍ଥତା ହାର ୯୦.୯୯ ପ୍ରତିଶତକୁ ବୃଦ୍ଧି ପାଇଛି। ସେହିଭଳି । ଝାଡଖଣ୍ଡରେ ଦୀର୍ଘ ସମୟ ପରେ ଗତ ୨୪ ଘଣ୍ଟା ମଧ୍ୟରେ କରୋନା ସଂକ୍ରମଣ ହେତୁ କୌଣସି ରୋଗୀଙ୍କର ମୃତ୍ୟୁ ହୋଇନଥିବା ଜମାପଡ଼ିଛି । ଏହି କାରଣରୁ ରାଜ୍ୟରେ ମୃତକଙ୍କ ସଂଖ୍ୟା ୮୮୩ରେ ସ୍ଥିର ରହିଛି । ଏହାସହ ରାଜ୍ୟରେ ୩୨୩ଟି ନୂଆ ସଂକ୍ରମିତ ଚିହ୍ନଟ ହୋଇଛନ୍ତି । ବର୍ତ୍ତମାନ ସମୁଦାୟ ସଂକ୍ରମିତଙ୍କ ସଂଖ୍ୟା ୧୦୧୨୮୭ କୁ ବୃଦ୍ଧି ପାଇଛି । ଝାଡ଼ଖଣ୍ଡରେ ଏପର୍ଯ୍ୟନ୍ତ ୯୫୨୦୮ ରୋଗୀ ଆରୋଗ୍ୟ ଲାଭ କରିଛନ୍ତି ।
ଏହାସହ ମହାରାଷ୍ଟ୍ରରେ ସର୍ବାଧିକ କରୋନା ଆକ୍ରାନ୍ତ ଥିବା ବେଳେ ମୃତ୍ୟୁସଂଖ୍ୟା ମଧ୍ୟ ସର୍ବାଧିକ ରହିଛି । ମହାରାଷ୍ଟ୍ରରେ ୧୬ଲକ୍ଷ ଟପିଲାଣି କରୋନା ଆକ୍ରାନ୍ତଙ୍କ ସଂଖ୍ୟା ସେହିପରି ଆନ୍ଧ୍ରପ୍ରଦେଶ ଓ କର୍ଣ୍ଣାଟକରେ ୮ଲକ୍ଷରୁ ଅଧିକ ଲେଖାଏଁ କରୋନା ଆକ୍ରାନ୍ତ ଚିହ୍ନଟ ହୋଇଥିବା ବେଳେ ମୃତ୍ୟୁସଂଖ୍ୟା ୧୧ହଜାରରୁ ଅଧିକ ଲେଖାଏଁ ରହିଛି ।
