NCB ହାତରେ ବଲିଉଡ୍ ସହ ଜଡ଼ିତ ଡ୍ରଗ୍ ସପ୍ଲାୟର ଗ୍ୟାଙ୍ଗ, ଧରାପଡ଼ିଲେ ଟିଭି ଅଭିନେତ୍ରୀ
1 min read
ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ରହସ୍ୟ ଖୋଲୁ ଖୋଲୁ ବଲିଉଡ୍ ଡ୍ରଗ୍ସ କେସ୍ ଖୋଲିଥିଲା । ଯାହାର ତଦନ୍ତ ଜାରି ରଖିଛି ଏନସିବି । ନାର୍କୋଟିକ୍ସ କଣ୍ଟ୍ରୋଲ୍ ବ୍ୟୁରୋ (ଏନସିବି) ଟିମ୍ ବଲିଉଡ୍ ଅଭିନେତାଙ୍କୁ ଡ୍ରଗ୍ସ ସପ୍ଲାଏ କରୁଥିବା ଗ୍ୟାଙ୍ଗ୍ସକୁ ଧରିବା ପାଇଁ ଲାଗିଛି । ଏନିସିବି ମୁମ୍ବାଇରେ ଏକ ଡ୍ରଗ୍ସ ସପ୍ଲାୟର ଗ୍ୟାଙ୍ଗକୁ ଧରିଛି ।
ଖବର ଅନୁସାରେ ଏନସିବି ଅଧିକାରୀ ମୁମ୍ବାଇ ବର୍ସାବାର ୨ଟି ସ୍ଥାନକୁ ସାଧା ପୋଷାକରେ ଯାଇଥିଲେ । ସାଧା ପୋଷାକରେ ଯିବାର ଉଦ୍ଦେଶ୍ୟ ଥିଲା ଡ୍ରଗ୍ସ ସପ୍ଲାୟରଙ୍କୁ କୌଣସି ସୂଚନା ନମଳିବା, ଅପରେସନ୍ ସଫଳ ହେବା । ଏନସିବିର ଏହି ଯୋଜନାକୁ ସଫଳତା ମିଳିଛି । ଏନସିବି ଟିମ୍ ୫ ଜଣଙ୍କୁ ଗିରଫ କରିଛି । ଏବେ ବି ତଦନ୍ତ ଚାଲିଛି ।
ଡ୍ରଗ୍ସ ସହ ଧରାପଡ଼ିଲେ ଅଭିନେତ୍ରୀ
କୁହାଯାଉଛି- ଏହି ଅପରେସନ୍ ବେଳେ ଜଣେ ଟିଭି ଅଭିନେତ୍ରୀଙ୍କୁ ଏନସିବି ଡ୍ରଗ୍ସ ସହ ଧରିଛି । ଅଭିନେତ୍ରୀ ଜଣଙ୍କ ଜଣେ ଡ୍ରଗ ପେଡଲରଙ୍କ ଠାରୁ ଡ୍ରଗ୍ସ କିଣୁଥିଲେ । ଆଜି ଟିଭି ଅଭିନେତ୍ରୀ ଜଣଙ୍କୁ କୋର୍ଟରେ ହାଜର କରାଯିବ । ଏହା ଏକ ନୂଆ ମାମଲା ହୋଇଥିବାରୁ ଏନସିବି ଆଉ ଏକ କେସ୍ ରୁଜୁ କରିବ ।
ସୂଚନାଯୋଗ୍ୟ, ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ଆତ୍ମହତ୍ୟାର କାରଣ ଜାଣିବା ପାଇଁ ସିବିଆଇକୁ ମାମଲା ହସ୍ତାନ୍ତର କରାଯାଇଥିଲା । ସୁଶାନ୍ତଙ୍କ ପରିବାର ଅନୁଯାୟୀ ସୁଶାନ୍ତଙ୍କୁ ହତ୍ୟା କରାଯାଇଛି । ଯେତେବେଳେ କି ସୁଶାନ୍ତଙ୍କ ଆପାର୍ଟମେଣ୍ଟରୁ ତାଙ୍କର ଝୁଲନ୍ତା ମୃତଦେହ ମିଳିଥିଲା ।
