ଶେଷହେଲା ମା’ ମାଣିକେଶ୍ୱରୀଙ୍କ ଛତର ଯାତ୍ରା, କଟକଣା ଭିତରେ ସଂପର୍ଣ୍ଣ ରିତୀନିତୀ
କଳାହାଣ୍ଡି: କଳାହାଣ୍ଡିର ଅଧିଷ୍ଟାତ୍ରୀ ଦେବୀ ମାଣିକେଶ୍ୱରୀଙ୍କ ଛତର ସଂପର୍ଣ୍ଣ ହୋଇଛି । ଚଳିତବର୍ଷ କଟକଣା ଭିତରେ ପାଳିତ ହୋଇଛି ଯାତ୍ରା । ମା’ଙ୍କ ପ୍ରତୀକ ଛତର ଅଷ୍ଟମୀ ମଧ୍ୟରାତ୍ରରେ ନିଜ ମୂଳଆସ୍ଥାନ ମନ୍ଦିର ଠାରୁ ବାହାରି ଭବାନୀପାଟଣା ସହର ଉପକଣ୍ଠ ଜେନାଖାଲକୁ ନିଆଯାଇଥିଲା । ସନ୍ଧି ପୂଜା ପରେ ପରେ ଆଜି ନବମୀ ପ୍ରାତଃରୁ ମାଣିକେଶ୍ୱରୀ ମନ୍ଦିରକୁ ପ୍ରତ୍ୟାବର୍ତ୍ତନ କରିଥିଲେ ମା’ ।
ସେପଟେ କୋଭିଡ୍ ସଂକ୍ରମଣକୁ ଦୃଷ୍ଟିରେ ରଖି କଳାହାଣ୍ଡି ଜିଲ୍ଲା ପ୍ରଶାସନ ଜନସମାଗମ ଉପରେ ରୋକ୍ ଲଗାଇଛି । ଛତର ଯାତ୍ରା ପାଇଁ ଆସନ୍ତାକାଲି ମଧ୍ୟରାତ୍ରି ପର୍ଯ୍ୟନ୍ତ ଭବାନୀପାଟଣାରେ ୧୪୪ ଧାରା ଜାରି କରାଯାଇଛି । ସହରର ସମସ୍ତ ପ୍ରବେଶ ପଥକୁ ବନ୍ଦ ରଖାଯାଇଛି । ୧୦ ପ୍ଲାଟୁନ ପୋଲିସ ଫୋର୍ସ ସହରରେ ମୁତୟନ କରାଯାଇଥିବା ବେଳେ ମାଁ ଙ୍କ ବିଜୟ ଛତର ବାହୁଡା ରାସ୍ତାକୁ ବ୍ୟାରିକେଟରେ ଭକ୍ତ ପାଇଁ ସିଲ କରି ଦିଆଯାଇଛି ।
