ଉପ ନିର୍ବାଚନ ପୂର୍ବରୁ ଜ୍ୟୋତିରାଦିତ୍ୟ କ୍ୟାମ୍ପର ୨ ମନ୍ତ୍ରୀଙ୍କ ଇସ୍ତଫା
ଭୋପାଳ: ମଧ୍ୟପ୍ରଦେଶ ବିଧାନସଭାର ୨୮ ସିଟ୍ ପାଇଁ ଉପ ନିର୍ବାଚନ ଅନୁଷ୍ଠିତ ହେବା । ଏହି ଉପ ନିର୍ବାଚନରେ ଜାତୀୟ ଦଳ ସହ କିଛି ଆଞ୍ଚଳିକ ଦଳ ଏବଂ ନିର୍ଦ୍ଦଳୀୟ ପ୍ରାର୍ଥୀ ମଧ୍ୟ ନିର୍ବାଚନୀ ମଇଦାନରେ ଅବତିର୍ଣ୍ଣ ହୋଇଛନ୍ତି । ଏହାରି ମଧ୍ୟରେ ବଡ଼ ଖବର ସାମ୍ନାକୁ ଆସୁଛି , ବିନା ବିଧାୟକ ହୋଇ ଛଅ ମାସ ହେଲା ମନ୍ତ୍ରୀ ଥିବା ତୁଳସୀ ସିଲାବଟ ଏବଂ ଗୋବିନ୍ଦ ରାଜପୁତ ମୁଖ୍ୟମନ୍ତ୍ରୀ ଶିବରାଜ ସିଂହ ଚୈହାନଙ୍କୁ ନିଜ ଇସ୍ତଫା ପଠାଇଛନ୍ତି । ମୁଖ୍ୟମନ୍ତ୍ରୀ ଉଭୟ ନେତାଙ୍କ ଇସ୍ତଫା ସ୍ୱୀକାର କରିଛନ୍ତି ଏବଂ ଅନୁମୋଦନ ନିମନ୍ତେ ରାଜ୍ୟପାଳଙ୍କ ନିକଟକୁ ପଠାଇଦେଇଛନ୍ତି । ଉଭୟ ନେତା ଜ୍ୟୋତିରାଦିତ୍ୟ ସିନ୍ଧିଆଙ୍କ ସହିତ କଂଗ୍ରେସ ଛାଡ଼ି ବିଜେପିରେ ସାମିଲ ହୋଇଥିଲେ । ଏଥି ସହିତ ଚଳିତ ଉପ ନିର୍ବାଚନରେ ପ୍ରତିଦ୍ୱନ୍ଦିତା କରୁଛନ୍ତି ।
ନିମାନୁଯାୟୀ ବିଧାନସଭାର ସଦସ୍ୟ ନହୋଇ କେହି ୬ ମାସରୁ ଅଧିକ ସମୟ ପାଇଁ ମନ୍ତ୍ରୀପଦରେ ଅଧିଷ୍ଠିତ ରହିପାରିବେ ନାହିଁ । ଏହି ପ୍ରକ୍ରିୟା ଯୋଗୁଁ ଉଭୟ ନେତାଙ୍କୁ ଇସ୍ତଫା ଦେବାକୁ ପଡ଼ିଲା । ଉପ ନିର୍ବାଚନରେ ସମ୍ୱୋର ବିଧାନସଭା ଉପ ନିର୍ବାଚନରେ କଡ଼ା ମୁକାବିଲା ବିଜେପିର ତୁଳସୀରାମ ସିଲାବଟ୍ ଏବଂ କଂଗ୍ରେସର ପ୍ରେମଚନ୍ଦ୍ର ଗୁଡ୍ଡୁ ଙ୍କ ମଧ୍ୟରେ ହେବ । ମନ୍ତ୍ରୀ ଥିବା ତୁଳସୀ ସିଲାବଟ ନାମାଙ୍କନ ଭରିବାର ପର ଦିନ ହିଁ ପ୍ରେମଚନ୍ଦ୍ର ଗୁଡ୍ଡୁ ନିଜ ନାମାଙ୍କନ ଦାଖଲ କରିଛନ୍ତି । ନାମାଙ୍କନ ସହିତ ନିଜ ସମ୍ପତି ତାଲିକା ମଧ୍ୟ ଦାଖଲ କରିଛନ୍ତି ।
