ଆଜି ହିଁ କରନ୍ତୁ ଏହି କାମ, ପର୍ସ କେବେ ମଧ୍ୟ ଖାଲି ହେବ ନାହିଁ
ଆଜିକାଲି ଅର୍ଥ ଏକ ବିରାଟ ସମସ୍ୟା । ଯୁଗ ବଦଳୁଥିବା ସହିତ ଜୀବନର ମାନ ପରିବର୍ତ୍ତନ କରିବାକୁ ସମସ୍ତେ ଚାହାଁନ୍ତି । କିନ୍ତୁ ଅର୍ଥ ଅଭାବରୁ ତାହା ସମ୍ଭବ ହୋଇପାରେ ନାହିଁ । ତେଣୁ ଅଧିକ ଅର୍ଥ ଉପାଜର୍ନ କରିବାରେ ସମସ୍ତଙ୍କର ସମୟ ବିତିଯାଏ । କେହି କେହି ବେଶ୍ପରିଶ୍ରମ କରି ମଧ୍ୟ ସେତିକି ଅର୍ଥ ଉପାର୍ଜନ କରିପାରନ୍ତି ନାହିଁ, ଯେତିକି ସେମାନଙ୍କର ପ୍ରାପ୍ୟ । ଏହାକୁ ନେଇ ବାସ୍ତୁଶାସ୍ତ୍ରରେ ବିଭିନ୍ନ କଥା ଉଲ୍ଲେଖ ରହିଛି । କୁହାଯାଏ ବାସ୍ତୁଦୋଷ ଥିଲେ ପାଖରେ ଟଙ୍କା ରହେ ନାହିଁ । ଏଥିପାଇଁ ମା ଲକ୍ଷ୍ମୀଙ୍କୁ ପ୍ରସନ୍ନ କରିବା ଆବଶ୍ୟକ ବୋଲି ମଧ୍ୟ ବାସ୍ତୁଶାସ୍ତ୍ରରେ କୁହାଯାଇଛି । ତେବେ ଏଭଳି ପରିସ୍ଥିତିରେ କ’ଣ କରିବା ଉଚିତ୍, ଆସନ୍ତୁ ଆଲୋଚନା କରିବା ।
ଶ୍ରୀ ଯନ୍ତ୍ର: ଶ୍ରୀ ଯନ୍ତ୍ର ଏଭଳି ଏକ ମାଧ୍ୟମ ଯାହାଦ୍ୱାରା ମାନବ ଜୀବନର ସମସ୍ତ ନକରାତ୍ମକ ଶକ୍ତି ସମାପ୍ତ ହୋଇଯାଏ । ଶ୍ରୀର ଅର୍ଥ ହେଉଛି ଧନ ଏବଂ ଯନ୍ତ୍ରର ଅର୍ଥ ହେଉଛି ସାଧନ । ଧନ ପ୍ରାପ୍ତ କରିବାର ସାଧନ ହେଉଛି ଶ୍ରୀ ଯନ୍ତ୍ର । ଏହାକୁ ଶୁଭ ମୁହୂର୍ତ୍ତରେ ପରିଷ୍କାର ଜଳରେ ଧୋଇ ପଞ୍ଚାମୃତ କିମ୍ବା ଗଙ୍ଗାଗଳରେ ସ୍ନାନ କରାଇ ହଳଦିଆ କପଡ଼ାରେ ବାନ୍ଧି ପର୍ସରେ ରଖିବା ଉଚିତ ।
ପର୍ସରେ ମା ଲକ୍ଷ୍ମୀ ବିଷ୍ଣୁଙ୍କର ପାଦ ଚିପୁଥିବା ଫଟୋ ରଖନ୍ତୁ ।
ଲକ୍ଷ୍ମୀଙ୍କର ୮ଟି ସ୍ୱରୂପ ରହିଛି । ତାଙ୍କର କୌଣସି ସ୍ୱରୂପକୁ ସ୍ଥାନ ଦିଆଯାଇପାରିବ ।
ଲକ୍ଷ୍ମୀଙ୍କ ସ୍ୱରୂପ, ଚିତ୍ର କିମ୍ବା ଯନ୍ତ୍ର ଉପରେ କମଳ ଫୁଲର ମାଳ ପିନ୍ଧାଇ ନଦୀରେ ବିସର୍ଜନ କରିବା ଦ୍ୱାରା ଧନ ବଢିଥାଏ ।
ଖର୍ଚ୍ଚ କମାଇବା ପାଇଁ ପର୍ସରେ ଛୋଟ ଆଇନାଟିଏ ମଧ୍ୟ ରଖିପାରିବେ । ଏହା ଦ୍ୱାରା ବ୍ୟବସାୟରେ ଉନ୍ନତି ହୋଇଥାଏ ।
