ଭାରତରେ ଋଷିଆ ଟିକାର ହ୍ୟୁମାନ୍ ଟ୍ରାଏଲକୁ ଅନୁମତି…

ନୂଆଦିଲ୍ଲୀ: ସ୍ପୁଟିନିକ୍-ଭି ପରୀକ୍ଷଣକୁ ଗ୍ରୀନ ସିଗ୍‌ନାଲ । ଭାରତରେ ଋଷିଆ ଟିକା ସ୍ପୁଟିନିକ୍‌-ଭି’ର ହ୍ୟୁମାନ ଟ୍ରାଏଲକୁ ମିଳିଲା ଅନୁମତି । ଡିସିଜିଆଇ ପକ୍ଷରୁ ଏହାର ପରୀକ୍ଷଣ ନେଇ ଅନୁମତି ମିଳିଛି । ଡକ୍ଟର ରେଡି ଫାର୍ମା କମ୍ପାନୀ ପକ୍ଷରୁ ଭାରତରେ ରଷିଆ ଭ୍ୟାକସିନ ସ୍ପୁଟିନିକ-ଭିର ପରୀକ୍ଷଣ କରାଯିବ । ୪୦ ହଜାର ଲୋକଙ୍କୁ ନେଇ ଡକ୍ଟର ରେଡି ଲ୍ୟାବ ଭାରତରେ ସ୍ପୁଟିନିକ-ଭିର ତୃତୀୟ ପର୍ଯ୍ୟାୟ ପରୀକ୍ଷଣ କରିବ ।

ଭ୍ୟାକସିନର ନିରାପତ୍ତା ଓ କାର୍ଯ୍ୟକାରିତା ନେଇ ପରୀକ୍ଷା କରିବା ପୂର୍ବରୁ ସ୍ପୁଟିନିକ ଭ୍ୟାକସିନକୁ ନେଇ ବିବାଦ ଦେଖାଦେଇଥିଲା, ଯାହାଫଳରେ ଏହାର ପରୀକ୍ଷଣ ଉପରେ ରୋକ ଲଗାଇଥିଲା ଡିସିଜିଆଇ । ସ୍ପୁଟିନିକ-ଭି ବିଶ୍ବର ପ୍ରଥମ କୋଭିଡ ଭ୍ୟାକସିନ । ଏହି ଭ୍ୟାକସିନ ସମସ୍ତ ପର୍ଯ୍ୟାୟ ପରୀକ୍ଷଣ ଶେଷ କରିନଥିବାକୁ ଏହାର ବ୍ୟବହାରକୁ ନେଇ ସାରା ବିଶ୍ବରେ ବିବାଦ ଦେଖା ଦେଇଥିଲା । ଅନେକ ବୈଜ୍ଞାନିକ ଏହାର ପରୀକ୍ଷଣ ନେଇ ପ୍ରଶ୍ନ ଉଠାଇଥିଲେ ।