ବାଘ ଛାଲ ଡିଲ ବେଳେ ବେପାରୀ ବେଶରେ ମାଡ଼ି ବସିଲା ଏସଟିଏଫ, ୧ ଲକ୍ଷ ୨୦ ହଜାର ଟଙ୍କାର ଛାଲ ଜବତ

ଭୁବନେଶ୍ୱର: ବିପଦରେ ବାଘଙ୍କ ବଂଶ । ଲକଡାଉନ ପରେ ଅନଲକରେ ମାତିଲେ ଶିକାରୀ । ୧ ଲକ୍ଷ ୨୦ ହଜାର ଟଙ୍କାରେ କଲରାପତରିଆ ଛାଲ ହେଉଥିଲା ଡିଲ୍ । ସୁବର୍ଣ୍ଣପୁରରୁ ରାଜ୍ୟ ବାହରକୁ ହୋଇଥାନ୍ତା ଚାଲାଣ । ବାଘ ଛାଲ ଡିଲ ବେଳେ ବେପାରୀ ବେଶରେ ମାଡି ବସିଲା ଏସଟିଏଫ । ମହୁଲପାଲି ଅଞ୍ଚଳର ବେପାରୀ ଅଶୋକ ଛତ୍ରିଆକୁ ଗିରଫ କରିଛି ଏସଟିଏଫ ।  ଅଶୋକ କେବେଠାରୁ ବାଘ ଛାଲ ବେପାର କରୁଥିଲା । ତା ଲିଙ୍କରେ କେତେ ଜଣ ଏଜେଣ୍ଟ ଅଛନ୍ତି । କେତେ ଜଣକୁ ବାଘଛାଲ ବିକ୍ରି କରିଛି ଅଶୋକ । ବାଘଟିକୁ ଗୁଳି କରି ନା ଶିକାର କରି ହତ୍ୟା କରାଯାଇଛି । କେବେ ଶିକାର ହୋଇଥିଲା ସେ ନେଇ ତନାଘନା କରୁଛି ଏସଟିଏଫ। ଏ ସବୁ ଜାଣିବା ଡେରାଡୁନରେ ଥିବା  ୱାଇଲ୍ଡ ଲାଇଫ ଇନଷ୍ଟିଚ୍ୟୁଟ କେମିକାଲ ଟେଷ୍ଟ ପାଇଁ ଛାଲ ପଠାଯିବ ବୋଲି ଏସଟିଏଫ କହିଛି  ।

ବିଦେଶରେ ବାଘ ଛାଲର ଅଧିକା ଡିମାଣ୍ଡ ରହିଛି । ବାଘଛାଲ କାରାବର ହବ୍ ହେଉଛି କୋଲକାତା । ଓଡିଶାରୁ ଭାୟା କୋଲକାତ ସିଲିଗୁଡି, ନେପାଳ, ତିବଦ୍ଦ, ବର୍ମା, ଚାଇନା ଓ ଇରାନକୁ ଛାଲ ଚାଲାଣ ହେଉଛି । ରାଜ୍ୟରେ ୧୬ଟି ବନ୍ୟପ୍ରାଣୀ ଡିଭିଜନରେ ୨୦୧୫-୧୬ ଯାଏଁ ୨୪ଟି ବାଘ ଶିକାର ହୋଇଛି  ବୋଲି ପିସିସିଏଫ କହିଛି । ସେପଟେ ଏସଟିଏଫର ରିପୋର୍ଟ ଅନୁସାରେ ବିଗତ ୩ ବର୍ଷରେ ୧୧ଟି ବାଘ ଛାଲ, ୪ଟି ହରିଣ ଛାଲ ଓ ଗୋଟିଏ ଜୀବନ ବଜ୍ରକାପ୍ତା ଉଦ୍ଦାର କରିଥିବା ବେଳେ ୪ ବଜ୍ରକାପ୍ତାର କାତି ଜବତ ହୋଇଛି । ସେପେଟ ୱାଇଡ ଲାଇଫ ମାମଲାରେ ୩୮ ଜଣଙ୍କୁ ଗିରଫ କରିଛି ଏସଟିଏଫ ।

ଏସଟିଏଫ ଶିକାରୀ ଓ ବେପାରୀ ମାନଙ୍କ ବିରୋଧରେ ଏସଟିଏଫ ଆକ୍ସନ ନେଉଛି । ହେଲେ ବନ ବିଭାଗ କରୁଛି କରଣ । ଶିକାରୀ- ବନ ବିଭାଗ ସହିତ ତାଳମେଳ ରହୁଛି କି । ବାଘ ଛାଲ ଜବତ ହେଉଛି ଶିକାରୀ ଗିରଫ ହେଉଛନ୍ତି, ହେଲେ ଶିକାର ବନ୍ଦ ହେଉନି । ଯାହାକୁ ନେଇ ଉଠିଛି ବଡ ପ୍ରଶ୍ନ ।