ଟିଆରପି ମାମଲାରେ ରିପବ୍ଲିକ ଟିଭିର ୬ ଜଣ କର୍ମଚାରୀଙ୍କୁ ଜେରା ପାଇଁ କ୍ରାଇମବ୍ରାଞ୍ଚର ନୋଟିସ

ମୁମ୍ବାଇ: ଦେଶରେ ନିଜକୁ ନମ୍ବର ଓ୍ୱାନ ଚ୍ୟାନେଲ କହୁଥିବା ରିପବ୍ଲିକ ଟିଭି ଏବେ ଚର୍ଚ୍ଚାର କେନ୍ଦ୍ରରେ ରହିଛି । ସେ ଲୋକଙ୍କୁ ଟଙ୍କା ଦେଇ ଟିଭି ଦେଖିବାକୁ କହୁଥିବା ନେଇ ଅଭିଯୋଗ ହୋଇଛି । ତେବେ ଏନେଇ ଟିଆରପି ସ୍କାମର ତଦନ୍ତ କରୁଛି ମୁମ୍ବାଇ କ୍ରାଇମବ୍ରାଞ୍ଚ । ଆଜି ମୁମ୍ବାଇ କ୍ରାଇମବ୍ରାଞ୍ଚ ୬ ଜଣଙ୍କୁ ପଚରାଉଚରା ପାଇଁ ଡ଼କାଇ ପାରେ । ଶନିବାର କ୍ରାଇମବ୍ରାଞ୍ଚ ଏହି ସମନ ଜାରି କରିଛି । ଯେଉଁମାନଙ୍କୁ ଡକାଯାଇଛି ସେମାନଙ୍କ ମଧ୍ୟରେ ରିପବ୍ଲିକ୍ ଟିଭିର ସିଇଓ ବିକାଶ କାନଚାନ୍ଦାନୀ, ସିଓ ହର୍ଷ ଭଣ୍ଡାରୀ, ସିଓଓ ପ୍ରିୟା ମୁଖାର୍ଜୀ, ବିତରଣ ମୁଖ୍ୟ ଘନଶ୍ୟାମ ସିଂ ଅଛନ୍ତି । ଏଥିସହ ହାନସା ଏଜେନ୍ସିର ସିଇଓ ତଥା ହାନସାର ଜଣେ କର୍ମଚାରୀଙ୍କୁ ପଚରାଉଚରା ପାଇଁ କୁହାଯାଇଛି । ଆଜି ସମସ୍ତଙ୍କୁ ସକାଳ ୯ ଟାରେ ପହଞ୍ଚିବାକୁ କୁହାଯାଇଛି ।

ଏହାପୂର୍ବରୁ ଶନିବାର ଦିନ ରିପବ୍ଲିକ୍ ଟିଭି CFO ଏସ୍ ସୁନ୍ଦରମ ଏବଂ ଘନଶ୍ୟାମ ସିଂଙ୍କୁ କ୍ରାଇମ ବ୍ରାଞ୍ଚରେ ହାଜର  ପାଇଁ ନୋଟିସ୍‌ ହୋଇଥିଲେ ମଧ୍ୟ ହାଜର ହୋଇନଥିଲେ । ସେ କ୍ରାଇମବ୍ରାଞ୍ଚକୁ ଏକ ଚିଠି ମଧ୍ୟ ଦେଇଛନ୍ତି । ଏଥିରେ କୁହାଯାଇଛି ଯେ ଘନଶ୍ୟାମ ସିଂ ମୁମ୍ବାଇ ବାହାରେ ଏବଂ ସୁନ୍ଦରମ୍ ରିପବ୍ଲିକ୍ ଦ୍ୱାରା ସୁପ୍ରିମକୋର୍ଟରେ ହୋଇଥିବା ଆବେଦନ ବିଷୟରେ କହିଛନ୍ତି । ୧୬ ଅକ୍ଟୋବର ପର୍ଯ୍ୟନ୍ତ ତାଙ୍କର କିଛି କାର୍ଯ୍ୟରେ ବ୍ୟସ୍ତ ଥିବାରୁ ସୁନ୍ଦରାମ କ୍ରାଇମବ୍ରାଞ୍ଚରୁ ସମୟ ମାଗିଛନ୍ତି ଏବଂ ଶନିବାର ଦିନ ପଚରାଉଚରା ପାଇଁ କ୍ରାଇମବ୍ରାଞ୍ଚକୁ ଆସିବାକୁ ଅସମର୍ଥତା ପ୍ରକାଶ କରିଛନ୍ତି । ଧାରା ୩୨ ଅନୁଯାୟୀ ଉକ୍ତ ମାମଲାରେ ସୁପ୍ରିମକୋର୍ଟରେ ମଧ୍ୟ ଦାଖଲ କରାଯାଇଛି ।