ପାକିସ୍ତାନରେ ବ୍ୟାନ୍ ହେଲା ଟିକଟକ୍, ଜାଣନ୍ତୁ କାହିଁକି ?

ନୂଆଦିଲ୍ଲୀ: ପାକିସ୍ତାନରେ ବ୍ୟାନ ହେଲା ଟିକଟକ୍ । କିଛି ଦିନ ତଳେ ଭାରତରେ ଟିକଟକ୍ ବ୍ୟାନ ହୋଇଛି । ତେବେ ପାକିସ୍ତାନ ଓ ଭାରତରେ ଟିକଟକ୍ ବ୍ୟାନ ହେବାର କାରଣ ସମାନ ନୁହେଁ । ଭାରତ ନିଜ ନାଗରିକଙ୍କ ତଥ୍ୟକୁ ସୁରକ୍ଷିତ ରଖିବା ପାଇଁ ଟିକଟକ୍ ବ୍ୟାନ କରିଥିବା ବେଳେ ପାକିସ୍ତାନରେ ବ୍ୟାନ କରିବାର କାରଣ ଭିନ୍ନ । ପାକିସ୍ତାନ ଟେଲି କମ୍ୟୁନିକେସନ କର୍ତ୍ତୃପକ୍ଷଙ୍କ କହିବା ଅନୁଯାୟୀ, ଟିକଟକ୍  ଅଶାଳୀନ ଓ ଅନୈତିକ ଭିଡିଓର ପ୍ରଚାର ପ୍ରସାର ହେଉଛି ।

ଯାହାକୁ ଗ୍ରହଣ କରାଯିବ ନାହିଁ । ଏହି ଉଦ୍ଦେଶ୍ୟରେ ଏହାକୁ ଦେଶରେ ବ୍ୟାନ କରାଯାଇଛି । ତେବେ ଏସବୁ କେବଳ ସରକାରଙ୍କ ନିଷ୍ପତ୍ତି ନୁହେଁ । ବିଗତ ଦିନରେ ଦେଶର ବିଭିନ୍ନ ବର୍ଗର ଲୋକଙ୍କଠାରୁ ଟିକଟକର ଅଶ୍ଳୀଳ ଭିଡିଓ ପରିବେଷଣକୁ ନେଇ ବିରୋଧ ଆଭିମୁଖ୍ୟ ଦେଖିବାକୁ ମିଳିଥିଲା ।  ଏହା ସହ ଟିକଟକକୁ ବିରୋଧ କରି ଅନେକ ଅଭିଯୋଗ ମଧ୍ୟ ପୋଲିସ ଷ୍ଟେସନରେ ଦାଖଲ ହେଲାଣି । ସରକାର ଜନମତକୁ ସମ୍ମାନ ଦେଇ ଏଭଳି ନିଷ୍ପତ୍ତି ନେଇଛନ୍ତି ।

Pakistan's Telecommunication Authority blocks Chinese app TikTok "in view of a number of complaints from different segments of the society against immoral/indecent content on the video-sharing platform" https://t.co/3GWaqAbetK pic.twitter.com/DTzfOMd727

— ANI (@ANI) October 9, 2020

ତେବେ ବ୍ୟାନ କରିବା ପୂର୍ବରୁ ଅନେକ ଥର ଟିକଟକ୍ କର୍ତ୍ତୃପକ୍ଷଙ୍କ ସହ ଆଲୋଚନା କରିବା ପାଇଁ ପ୍ରଚେଷ୍ଟା କରାଯାଇଥିବା ପାକିସ୍ତାନ ସରକାର କହିଛନ୍ତି । କିଭଳି ଭାବେ ଏଭଳି ଅଶ୍ଳୀଳ ଭିଡିଓକୁ ବାଦ ଦେଇ ହେବ ସେନେଇ ଲିଖିତ ଭାବେ ଜଣାଯାଇଛି । ମାତ୍ର ଟିକଟକ୍ ପକ୍ଷରୁ କୌଣସି ପ୍ରତିକ୍ରିୟା ନମିଳିବା ପରେ ପାକିସ୍ତାନ ସରକାର ବାଧ୍ୟ ହୋଇ ଏହାକୁ ବ୍ଲକ୍ କରିଛନ୍ତି ।