ମନ୍ଦିର ଜମି ପାଇଁ ପେଟ୍ରୋଲ ଢାଳି ପୂଜାରୀଙ୍କୁ ଜିଅନ୍ତା ଜାଳିଦେଲେ, ଜଣେ ଗିରଫ

ଜୟପୁର: ଜମି ପାଇଁ ମନ୍ଦିର ପୂଜାରୀଙ୍କୁ ବୀଭତ୍ସ ହତ୍ୟା । ରାଜସ୍ଥାନର କରୌଲିରେ ଦୁଇଦିନ ତଳେ ବର୍ବର ହତ୍ୟାକାଣ୍ଡ ଘଟିଛି । ଜମି ବିବାଦକୁ ନେଇ ପୂଜାରୀଙ୍କୁ ପେଟ୍ରୋଲ ଢ଼ାଳି ନିଆଁ ଲଗାଇ ଦେଇଥିଲେ । ଗୁରୁତର ଅବସ୍ଥାରେ ପୂଜାରୀଙ୍କୁ ଜୟପୁରର ଏକ ମେଡିକାଲରେ ଭର୍ତ୍ତି କରାଯାଇଥିଲା । ଯେଉଁଠି ଗୁରୁବାର ରାତିରେ ଚିକିତ୍ସାଧୀନ ଅବସ୍ଥାରେ ପୂଜାରୀଙ୍କ ମୃତ୍ୟୁ ହୋଇଛି । ଏହି ହତ୍ୟାକାଣ୍ଡରେ ସମ୍ପୃକ୍ତ ମୁଖ୍ୟ ଅଭିଯୁକ୍ତ କୈଳାସ ମୀଣାଙ୍କୁ କରୌଲି ପୋଲିସ ଗିରଫ କରିଛି ।

କରୌଲି ସପୋଟରା ଥାନା ବୁକନାରେ ଏହି ହତ୍ୟାକାଣ୍ଡ ଘଟିଛି । ଗାଁ ମନ୍ଦିରରେ ୫୦ ବର୍ଷିଅ ବାବୁଲାଲ ବୈଷ୍ଣବ ପୂଜା କରନ୍ତି । ଆଉ ମନ୍ଦିର ଜମିକୁ ସେ ଅକ୍ତିଆରରେ ରଖିଥିଲେ । କିନ୍ତୁ ଏହି ଜମି ଉପରେ ନଜର ରଖିଥିଲା ଗାଁର ଗୁଣ୍ଡା କୈଳାସ ମୀଣା । ଜମି କବଜା କରିବାକୁ ଅଭିଯୁକ୍ତ କୈଳାସ ପୂଜାରୀଙ୍କୁ ପେଟ୍ରୋଲ ଢ଼ାଳି ନିଆଁ ଲଗାଇ ଦେଇଥିଲା ।

ଘଟଣା ପରେ ବିଜେପି ରାଜ୍ୟ ସଭାପତି ରାଜସ୍ଥାନ ମୁଖ୍ୟମନ୍ତ୍ରୀଙ୍କୁ ପ୍ରଶ୍ନଘେରକୁ ଟାଣିଛନ୍ତି । ରାଜ୍ୟରେ ଆଇନ୍ ପ୍ରତି ଅପରାଧୀଙ୍କ ଭୟନଥିବା ସେ କହିଛନ୍ତି । ରାଜ୍ୟର ଲୋକ ଭୟଭୀତ, ଡରରେ ଅଛନ୍ତି । ପୂର୍ବତନ ମୁଖ୍ୟମନ୍ତ୍ରୀ ବସୁନ୍ଧରା ରାଜେ ଘଟଣାରେ ଦୁଃଖ ପ୍ରକାଶ କରିଛନ୍ତି ।

n Rajasthan Karauli For Temple

ପୂରା ମାମଲା କଣ ?

ଘଟଣା ସମ୍ପର୍କରେ ସପୋଟରା ଥାନା ଅଧିକାରୀ କହିଛନ୍ତି- ମନ୍ଦିରର ୫୦ ବର୍ଷିଅ ପୂଜକ ବାବୁଲାଲ ବୈଷ୍ଣବ ମନ୍ଦିର ଜମି ଅକ୍ତିଆର କରି ରଖିଥିଲେ । କିଛିଦିନ ଘର ନିର୍ମାଣ ପାଇଁ ସେ ମାଟି ପକାଇଥିଲେ । ଉକ୍ତ ଜମି ଉପରେ ନଜର ରଖିଥିବା ଗାଁର କୈଳାସ ପଥର ପକାଇବା ପରେ ପୂଜକ ଗ୍ରାମବାସୀଙ୍କୁ ଜଣାଇଥିଲେ । ଏହି କଥାକୁ ନେଇ କୈଳାସ ଜମି ଉପରେ ପୂଜାରୀଙ୍କୁ ପେଟ୍ରୋଲ ଢ଼ାଳି ଜାଳି ଦେଇଥିଲା । ଏଥିରେ ଗୁରୁତର ବୈଷ୍ଣବଙ୍କୁ ପ୍ରଥମ ସ୍ଥାନୀୟ ମେଡିକାଲ ପରେ ଜୟପୁର ନିଆଯାଇଥିଲା । ଚିକିତ୍ସାଧୀନ ଅବସ୍ଥାରେ ଗୁରୁବାର ତାଙ୍କର ମୃତ୍ୟୁ ହୋଇଛି ।