କରୋନା କଟକଣା ସହ ଖୋଲିପାରେ ରାଜ୍ୟର କିଛି ପ୍ରସିଦ୍ଧ ମନ୍ଦିର
ଭୁବନେଶ୍ୱର: କରୋନା ଏବେ ଧିରେ ଧିରେ ରାଜ୍ୟରେ କମିବାରେ ଲାଗିଛି । ସେଥିପାଇଁ କରୋନା କଟକଣାରେ କୋହଳ କରୁଛନ୍ତି ରାଜ୍ୟ ସରକାର । ରାଜ୍ୟରେ ଦୋକାନ ବଜାର ପର୍ଯ୍ୟାୟ କ୍ରମେ ପୂର୍ବଭଳି ସ୍ୱଭାବିକ ଅବସ୍ଥାକୁ ଫେରୁଛି । ଗୋଟିଏ ପରେ ଗୋଟିଏ ପର୍ଯ୍ୟଟନସ୍ଥଳୀ କରୋନା କଟକଣା ସହ ଖୋଲିବାରେ ଲାଗିଛି । ତେବେ ଏଇ ଭିତରେ ରାଜ୍ୟର ସମସ୍ତ ମନ୍ଦିରକୁ ମିଳିଛି ସବୁଜ ସଙ୍କେତ । କୋଭିଡ୍ କଟକଣା ସହିତ ରାଜ୍ୟରେ ସବୁ ପ୍ରସିଦ୍ଧ ମନ୍ଦିର ଖୋଲିବା ନେଇ ସମ୍ଭାବନା ସୃଷ୍ଟି ହୋଇଛି ।
ଏନେଇ ଶ୍ରୀମନ୍ଦିର ଓ ପ୍ରମୁଖ ମନ୍ଦିର ପ୍ରଶାସକଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର । କୋଭିଡ ନିୟମ ମାନି ମନ୍ଦିର ଖୋଲିବା ନେଇ ନିର୍ଦ୍ଦେଶ ଦେଇଛନ୍ତି । ମନ୍ଦିର ଖୋଲିବା ପୂର୍ବରୁ ସମସ୍ତ ଅଂଶୀଦାରଙ୍କ ସହ ଆଲୋଚନା କରି ରିପୋର୍ଟ ଦେବାକୁ ନିର୍ଦ୍ଦେଶ ଦିଆଯାଇଛି । ୧୦ ଦିନ ମଧ୍ୟରେ ଏନେଇ ରିପୋର୍ଟ ଦେବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ସରକାର । ସେପଟେ ଏନେଇ ଟ୍ୱିଟ୍ ଜାରି କରିଛନ୍ତି ମୁଖ୍ୟ ଶାସନ ସଚିବ ।
ସେପଟେ ଆମ ଅଧୀନରେ ୧୮ହଜାର ମନ୍ଦିର ରହିଛି । ଏଯାଏ ସରକାରଙ୍କ ପକ୍ଷରୁ ଆମକୁ କିଛି ଚିଠି ଆସିନି । ପ୍ରଥମେ ଜିଲ୍ଲାପାଳ ଏନେଇ ରିପୋର୍ଟ ଦିଅନ୍ତୁ । ଆମେ ରାଜ୍ୟ ସରକାରଙ୍କ ନିର୍ଦ୍ଦେଶକୁ ମାନିବୁ । କୋଭିଡ ନିୟମରେ ମନ୍ଦିରରେ ଖୋଲିଲେ କିଛି ଅସୁବିଧା ନାହିଁ ବୋଲି କହିଛନ୍ତି ଦେବୋତ୍ତର କମିଶନର ଚିତ୍ତରଞ୍ଜନ ମହାପାତ୍ର ।
