ବିଶ୍ୱ ସ୍ୱାସ୍ଥ୍ୟ ସଂଗଠନ କରୋନା ସଂକ୍ରମଣକୁ ନେଇ ଦେଲା ଏମିତି ସାଂଘାତିକ ତଥ୍ୟ
1 min read
ନୂଆଦିଲ୍ଲୀ: କରୋନାକ ପାଇଁ ହନ୍ତସନ୍ତ ହେଲାଣି ସାରା ବିଶ୍ୱ । କିଭଳି କରୋନା କବଳରୁ ମୁକ୍ତି ମିଳି ସେନେଇ ଚାଲିଛି ଅହରହ ପ୍ରୟାସ । ସବୁ ପ୍ରକାର ପ୍ରୟାସ ଫେଲ୍ ମାରିବାରେ ଲାଗିଛି । କରୋନାକୁ ନେଇ ସମ୍ପୂର୍ଣ୍ଣ ତଥ୍ୟ ଦେଉଥିବା WHO (ବିଶ୍ୱ ସ୍ୱାସ୍ଥ୍ୟ ସଂଗଠନ) ଏହାକୁ ନେଇ ଆଉ ଏକ ବଡ଼ ଖୁଲାସା କରିଛି । ସଂକ୍ରମଣ ବିଷୟରେ ଅବଗତ କରାଇଛି ବିଶ୍ୱ ସ୍ୱାସ୍ଥ୍ୟ ସଂଗଠନ ।
କରୋନା ନେଇ ବିଶ୍ୱ ସ୍ୱାସ୍ଥ୍ୟ ସଂଗଠନର ବଡ ଘୋଷଣା। ବିଶ୍ୱରେ ପ୍ରତି ୧୦ ଜଣରେ ଜଣେ ବ୍ୟକ୍ତି ହୋଇ ଥାଇପାରନ୍ତି କରୋନା ସଂକ୍ରମିତ । ଡବ୍ଲୁଏଚଓର ବେଷ୍ଟ ଏଷ୍ଟିମେଟରୁ ସାମ୍ନାକୁ ଆସିଛି ଏଭଳି ତଥ୍ୟ । ଭିନ୍ନ ଭିନ୍ନ ଗୋଷ୍ଠୀ ମଧ୍ୟରେ ଉପରୋକ୍ତ ଆକଳନ ସଂଖ୍ୟା ମେଳ ଖାଇ ନପାରେ, ମାତ୍ର ପୃଥିବୀର ଅଧିକାଂଶ ଲୋକଙ୍କ ପ୍ରତି ବିପଦ ରହିଥିବା ହୁ’ର ଜରୁରୀକାଳୀନ ମୁଖ୍ୟ ଡାକ୍ତର ମାଇକେଲ ରିଆନ କହିଛନ୍ତି ।
୭୬୦ ନିୟୁତରୁ ଅଧିକ ଲୋକ କରୋନା ଭାଇରସ୍ ଦ୍ୱାରା ସଂକ୍ରମିତ ବୋଲି କରାଯାଇଥିବା ଏହି ଆକଳନ ବିଶ୍ୱ ଜନସଂଖ୍ୟା ୭.୬ ଶହ କୋଟି ଉପରେ ଆଧାରିତ। ଏହି ଆକଳନ ‘ବିଶ୍ୱ ସ୍ୱାସ୍ଥ୍ୟ ସଙ୍ଗଠନ’ଏବଂ ‘ଜନ୍ସ୍ ହପ୍କିନ୍ସ୍ ୟୁନିଭର୍ସିଟି’ ରଖିଥିବା ‘କନ୍ଫର୍ମଡ୍ କେସେସ୍’ ହିସାବଠାରୁ ଯଥେଷ୍ଟ ଅଧିକ । ଏବେ ସାରା ବିଶ୍ୱରେ ୩୫ ନିୟୁତରୁ ଅଧିକ ‘କନ୍ଫର୍ମଡ୍ କେସେସ୍’ ଥିବା ‘ବିଶ୍ୱା ସ୍ୱାସ୍ଥ୍ୟ ସଙ୍ଗଠନ’ଏବଂ ‘ଜନ୍ସ୍ ହପ୍କିନ୍ସ୍ ୟୁନିଭର୍ସିଟି’ ହିସାବରୁ ଜଣାପଡ଼ିଛି।
