ଡ୍ରଗ୍ସ ମାମଲାରେ ମୁହଁ ଖୋଲିଲେ ଅକ୍ଷୟ, କହୁ କହୁ କହିଦେଲେ ବଲିଉଡର…

ମୁମ୍ବାଇ: ସୁଶାନ୍ତ ସିଂ ରାଜପୂତଙ୍କ ମୃତ୍ୟୁ ପରେ ତାଙ୍କ ପ୍ରଶଂସକ ତାଙ୍କୁ ନ୍ୟାୟ ଦେବାପାଇଁ ଉଦ୍ୟମ ଜାରି ରଖିଛନ୍ତି ।ଏହି ମାମଲା ଡ୍ରଗ୍ସ ଆଡ଼କୁ ମୁହାଁଇଛି । ସୁଶାନ୍ତଙ୍କ ମୃତ୍ୟୁର ରହସ୍ୟକୁ ନେଇ ଶନିବାରକୁ ଆସିଥିବା ଖବର ଅନୁସାରେ ସୁଶାନ୍ତଙ୍କୁ ହତ୍ୟା ନୁହେଁ ବରଂ ସେ ଆତ୍ମହତ୍ୟା କରିଛନ୍ତି । କିନ୍ତୁ ଡ୍ରଗ୍ସ ମାମଲାରେ ବଲିଉଡର ପ୍ରସିଦ୍ଧ କଳାକାର ମାନଙ୍କ ଠାରୁ କୌଣସି ପ୍ରତିକ୍ରିୟା ମିଳୁନଥିବା ବେଳେ ନିକଟରେ ସାମ୍ନାକୁ ଆସିଛି ଅକ୍ଷୟ କୁମାରଙ୍କ ବୟାନ୍‌।

Bahot dino se mann mein kuch baat thi lekin samajh nahi aa raha tha kya kahoon, kisse kahoon. Aaj socha aap logon se share kar loon, so here goes… #DirectDilSe ?? pic.twitter.com/nelm9UFLof

— Akshay Kumar (@akshaykumar) October 3, 2020

ଏକ ଭିଡ଼ିଓ ଜାରି କରି ଅକ୍ଷୟ କହିଛନ୍ତି କି ଯଦି ବଲିଉଡ ଏକ ପରିଚୟ ପାଇଛି ତେବେ ଜନତାଙ୍କ ପାଇଁ । ବଲିଉଡରେ ଡ୍ରଗ୍ସ କାରବାର ହେଉନାହିଁ ବୋଲି ମଧ୍ୟ ସେ କହିନାହାଁନ୍ତି । କିନ୍ତୁ କିଛି ଲୋକଙ୍କ ଭୁଲ ପାଇଁ ସମସ୍ତଙ୍କୁ ଦାୟୀ ନକରିବାକୁ ସେ ଅନୁରୋଧ କରିଛନ୍ତି । ଏହା ସହିତ ଦେଶରେ ମିଡିଆର ଏକ ଗୁରୁତ୍ୱପୂର୍ଣ୍ଣ ଭୂମିକା ରହିଛି ଏବଂ ମିଡିଆ ଅଧିକାଂଶ ସମୟରେ ନିଜର ସ୍ୱର ଉଠାଇଛି ଏବଂ ଠିକ ଦିଗରେ ସ୍ୱର ଉଠାଇବ ବୋଲି ସେ ଆଶା ରଖିଥିବା କହିଛନ୍ତି ।

ସୂଚନାଯୋଗ୍ୟ ଅକ୍ଷୟ କୁମାର ଏଭଳି ଜଣେ ଅଭିନେତା ଯିଏ ସବୁବେଳେ ଦେଶର ସମସ୍ୟାରେ ଲୋକମାନଙ୍କ ନିକଟରେ ଛିଡ଼ା ହୋଇଛନ୍ତି ।