ଖୋଲିବ ଚନ୍ଦକା ଡମପଡ଼ା ଅଭୟାରଣ୍ୟ, କିନ୍ତୁ ରହିବ ଏହି ସବୁ କଟକଣା
ଭୁବନେଶ୍ୱର: କରୋନା ଭିତରେ ଧିରେ ଧିରେ ସୁଧୁରୁଛି ପରିସ୍ଥିତି । ଅନ୍ଲକ୍ ୪.୦ ରେ ଲାଗିଥିବା କଟକଣା ଉପରେ କିଛି ମାତ୍ରାରେ କୋହଳ ଛଡ଼ାଯାଉଛି । ତେବେ କରୋନା ସମୟରେ ଅଧିକ ପ୍ରଭାବିତ ହୋଇଥିବା ପର୍ଯ୍ୟଟନ କ୍ଷେତ୍ରକୁ ପ୍ରଥମେ ଧିରେ ଧିରେ ପୂର୍ବ ଭଳି ସ୍ୱାଭାବିକ କରାଯାଉଛି । ତେବେ ଏଇ ଭିତରେ ପଯ୍ୟଟକଙ୍କ ପାଇଁ ଖୁସି ଖବର ଆସିଛି । ଅକ୍ଟୋବର ୨ତାରିଖରେ ଖୋଲିବ ଚନ୍ଦକା ଡମପଡ଼ା ଅଭୟାରଣ୍ୟ । କୋଭିଡ କଟକଣାରେ ଅଭୟାରଣ୍ୟ ଖୋଲିବା ନେଇ ନିଷ୍ପତ୍ତି ହୋଇଛି ।
ଅଭୟାରଣ୍ୟକୁ ଯିବାକୁ ହେଲେ ମାସ୍କ ବାଧ୍ୟତା ମୂଳକ, ସାମାଜିକ ଦୂରତା ରକ୍ଷା କରିବା ସହ ଜଙ୍ଗଲ ସଫାରି, ନେଚର କ୍ୟାମ୍ପ, ହାତୀ ଅଭୟାରଣ୍ୟ, ଡେରାସ ଡ୍ୟାମ ଆଦି ପଯ୍ୟଟକ ମାନେ ବୁଲି ଉପଭୋଗ କରିପାରିବେ । ସମସ୍ତ ଅଞ୍ଚଳ ମାନକୁ ଲଗାତାର ସାନିଟାଇଜ କରାଯିବା ବ୍ୟବସ୍ଥା କରାଯାଇଛି । କୋଭିଡ ନିୟମ କଡା କଡି ପାଳନ ପାଇଁ ସୁରକ୍ଷା କର୍ମୀ ତୀକ୍ଷ୍ନ ଦୃଷ୍ଟି ରଖିବେ । ମାର୍ଚ୍ଚ ମାସ ୨୭ତାରିଖରୁ କୋଭିଡ ପାଇଁ ବନ୍ଦ କରାଯାଇଥିଲା ଅଭୟାରଣ୍ୟ । ଦୀର୍ଘ ୭ମାସ ପରେ ଖୋଲିବାକୁ ଯାଉଛି ଅଭୟାରଣ୍ୟ ।
