‘ମନ୍ କି ବାତ୍’: ‘କୃଷି ବିଲ୍ କୃଷକର ଆୟକୁ ଦୁଇଗୁଣ କରିବ’
ନୂଆଦିଲ୍ଲୀ: ଆଜି ମନ କି ବାତ କାର୍ଯ୍ୟକ୍ରମରେ ଉଦବୋଧନ ଦେଇଛନ୍ତି ପ୍ରଧାନମନ୍ତ୍ରୀ । ଆରମ୍ଭରୁ ହିଁ ସେ ଦେଶର କୃଷି ବିଲ୍ ଓ ଚାଷୀଙ୍କ ପ୍ରସଙ୍ଗରେ କହିଥିଲେ । କୃଷି ବିଲ୍ ଚାଷୀଙ୍କୁ ସମୃଦ୍ଧ କରିବାରେ ସହାୟକ ହେବ । ଚାଷୀଙ୍କ ଆୟ ଦୁଇ ଗୁଣା କରିବ ବୋଲି ମୋଦି କହିଛନ୍ତି । କରୋନା ସମୟରେ ବିଭିନ୍ନ କ୍ଷେତ୍ରରେ ଶୋଚନୀୟ ସ୍ଥିତି ଥିବା ବେଳେ କୃଷି କ୍ଷେତ୍ରରେ କିନ୍ତୁ ସ୍ଥିତି ଅପରିବର୍ତ୍ତିତ ଥିଲା ।
ଚାଷୀଙ୍କ ଉନ୍ନତି ହେଲେ ଆତ୍ମନିର୍ଭର ଭାରତର ମୁଳଦୁଆ ପଡିବ ବୋଲି ମୋଦି କହିଛନ୍ତି । ଏହି ବିଲ୍ ଯୋଗୁଁ ଦୀର୍ଘ ବର୍ଷ ଧରି ଚାଷୀଙ୍କ ଆଗରେ ଥିବା ବାଧାକୁ ସରକାର ନଷ୍ଟ କରିଛନ୍ତି । ଏବେ ସେମାନେ ନିଜ ସାମଗ୍ରୀ ଦେଶରେ ଯେକୌଣସି ସ୍ଥାନରେ ବିକ୍ରି କରିପାରିବେ ।ଏଣୁ ଏହାକୁ ଚାଷୀ ବିରୋଧୀ ବୋଲି କହିବା ଏକଦମ ଭୁଲ୍ । ଚାଷୀର ଆୟକୁ ବଢାଇ ତାଙ୍କୁ ନାର୍ଯ୍ୟ ଦାବି ଦେବା ଲକ୍ଷରେ ଏହି ବିଲ୍ ଅଣାଯାଇଛି । ଏଥିସହ କରୋନା କାଳରେ ସତର୍କ ରହିବା ସହ ସାମାଜିକ ଦୁରତା ରକ୍ଷା କରିବା ପାଇଁ ମୋଦି ଅପିଲ କରିଛନ୍ତି ।
