ରାଜ୍ୟରେ ଅକ୍ଟୋବରରୁ ଖୋଲିବ ପର୍ଯ୍ୟଟନସ୍ଥଳୀ, ରାଜ୍ୟରେ ହେବ ୫ Eco Retreat
ଭୁବନେଶ୍ୱର: ଅକ୍ଚୋବର ମାସରୁ କୋଭିଡ୍ କଟକଣା ମଧ୍ୟରେ ରାଜ୍ୟର ପର୍ଯ୍ୟଟନସ୍ଥଳୀ ଗୁଡିକ ପୁଣି ଖୋଲିବ । ପର୍ଯ୍ୟଟକ ଏହି ସବୁ ସ୍ଥାନକୁ ପରିଦର୍ଶନ କରି ପାରିବେ । କିନ୍ତୁ ସେମାନଙ୍କୁ କୋଭିଡ୍ ଗାଇଡ୍ ଲାଇନ୍ ମାନିବାକୁ ପଡିବ । ଏସଂପର୍କରେ ସୂଚନା ଦେଇଛନ୍ତି ରାଜ୍ୟ ପର୍ଯ୍ୟଟନମନ୍ତ୍ରୀ । ଏହା ସହ କୋଣାର୍କ ଇକୋ ରିଟ୍ରିଟର ସଫଳତା ପରେ ରାଜ୍ୟ ସରକାର ରାଜ୍ୟର ଅନ୍ୟ ସ୍ଥାନରେ ମଧ୍ୟ ଏଭଳି କାର୍ଯ୍ୟକ୍ରମ ହାତକୁ ନେବେ । ଆଜି ବିଶ୍ୱ ପର୍ଯ୍ୟଟନ ଦିବସ ଅବସରରେ ରାଜ୍ୟ ପର୍ଯ୍ୟଟନ ବିଭାଗ ପକ୍ଷରୁ ଏହି ଘୋଷଣା କରିଛନ୍ତି । ରାଜ୍ୟକୁ ପର୍ଯ୍ୟଟନ ଶିଳ୍ପ କ୍ଷେତ୍ରରେ ଆଗକୁ ନେବା ପାଇଁ ଏଭଳି ନିଷ୍ପତ୍ତି ନିଆଯାଇଛି ବୋଲି ସରକାର ଜଣାଇଛନ୍ତି ।
ଚଳିତ ବର୍ଷ ରାଜ୍ୟରେ ୫ଟି ନୂଆ ଇକୋ ରିଟ୍ରିଟ୍ ପ୍ରସ୍ତୁତ ହେବ । ବଡ଼ମୂଳ, ଭିତରକନିକା, ଦାରିଙ୍ଗବାଡି, କେଣାର୍କ ଓ ହୀରାକୁଦରେ ଇକୋ ରିଟ୍ରିଟର ଆୟୋଜନ କରାଯିବ । ଏନେଇ ସୂଚନା ଦେଇଛନ୍ତି ରାଜ୍ୟ ପର୍ଯ୍ୟଟନ ବିଭାଗର ନିର୍ଦ୍ଦେଶକ ସଚିନ ଆର. ଯାଦବ।ତେବେ ପର୍ଯ୍ୟଟନ ଶିଳ୍ପ କ୍ଷେତ୍ରରେ ରାଜ୍ୟର ବିକାଶ ପାଇଁ ସରକାର ଏହି ଉଦ୍ୟମ କରିଛନ୍ତି । କରୋନା ବେଳେ ରାଜ୍ୟର ପର୍ଯ୍ୟଟନ ଶିଳ୍ପ ବ୍ୟାପକ ଭାବେ ପ୍ରଭାବିତ ହୋଇଥିବା ହେତୁ ଏବେ ପୁଣି ଥରେ ଏହାକୁ ମଜବୁତ କରିବା ପାଇଁ ପ୍ରୟାସ ଆରମ୍ଭ ହୋଇଛି ।
