ଭାରତକୁ ୨ ଅରବ ଡଲାରର ଝଟକା: ଟ୍ୟାକ୍ସ ବିବାଦରେ ଅନ୍ତର୍ଜାତୀୟ ଟ୍ରିବୁନାଲରେ ଭୋଡାଫୋନ୍‌ର ବିଜୟ

ନୂଆଦିଲ୍ଲୀ: ଭାରତକୁ ୨ ଅରବ ଡଲାର ଝଟକା । ଟେଲିକମ୍ ସର୍ଭିସ ପ୍ରୋଭାଇଡର ଭୋଡାଫୋନ୍ ଗ୍ରୁପ୍ (ପିଏଲସି) ୨ ଆରବ ଡଲାର ଟ୍ୟାକ୍ସ ବିବାଦ ମାମଲାରେ ଭାରତ ସରକାର ବିରୋଧରେ ଅନ୍ତର୍ଜାତୀୟ ମଧ୍ୟସ୍ଥି ଟ୍ରିବୁନାଲରେ ମାମଲା ଜିତିନେଇଛି । ଦି ହେଗ୍ (THE HAGUE) ସ୍ଥିତ ଅନ୍ତର୍ଜାତୀୟ ମଧ୍ୟସ୍ଥି ଟ୍ରିବୁନାଲ ଭାରତ ସରକାର ପକ୍ଷରୁ ଲାଗୁ କରାଯାଇଥିବା ଟ୍ୟାକ୍ସ, ସୁଧ ଏବଂ ପେନାଲ୍ଟି ଲଗାଇବା ଭାରତ ଏବଂ ନେଦରଲ୍ୟାଣ୍ଡ ମଧ୍ୟରେ ହୋଇଥିବା ଟ୍ରିଟ୍ ଏଗ୍ରିମେର୍ଟର ଉଲ୍ଲଂଘନ ।

                   ଟ୍ରିବୁନାଲ ନିଜ ଫଇସଲାର କହିଛନ୍ତି ଯେ, ଭାରତ ସରକାର ଭୋଡାଫୋନଠାରୁ ବକେୟା ମାଗିବା ବନ୍ଦ କରିବା ଆବଶ୍ୟକ । ଏଥିସହିତ ଆଇନଗତ ଲଢ଼େଇ ଲଢ଼ିବା ନେଇ କମ୍ପାନୀ ପକ୍ଷରୁ ହୋଇଥିବା ଖର୍ଚ୍ଚ ବାବଦକୁ ୫୪.୭ ଲକ୍ଷ ଡଲାର ଦେବାକୁ କୁହାଯାଇଛି । ତେବେ ଏ ସମ୍ପର୍କରେ ଭାରତ ଏବଂ ଅର୍ଥମନ୍ତ୍ରାଳୟ ପକ୍ଷରୁ କୌଣସି ପ୍ରତିକ୍ରିୟା ପ୍ରକାଶ ପାଇନାହିଁ ।

ପୂରା ମାମଲା କ’ଣ

ଭୋଡାଫୋନ୍ ୨୦୦୭ ମସିହାରେ ହଂକଂ ର ହଚିସନ୍ କମ୍ପାନୀର ମାଲିକ ହଚିସନ୍ ହାମପୋଆଙ୍କ ମୋବାଇଲ୍ ବ୍ୟବସାୟ ହଚିସନ୍ ଏସାର ର ୬୭ ପ୍ରତିଶତର ଅଂଶଦାରୀ ୧୧ ଅରବ ଡଲାରରେ କିଣିଥିଲେ । ଭୋଡାଫୋନ୍‌ର ଏହି ଅଂଶିଧାରୀ ନେଦରଲ୍ୟାଣ୍ଡସ୍ ଏବଂ କେମେନ୍ ଆଇଲ୍ୟାଣ୍ଡ ସ୍ଥିତ ନିଜ କମ୍ପାନୀ ଜରିଆରେ ନେଇଥିଲା । ଏହି ଡିଲ୍ ଉପରେ ଭାରତ ଇନକମ୍ ଟ୍ୟାକ୍ସ ଡିପାର୍ଟମେଣ୍ଟ ଭୋଡାଫୋନ୍ ଠାରୁ କ୍ୟାପିଟାଲ୍ ଗେନ୍ ଟ୍ୟାକ୍ସ ମାଗୁଥିଲା । ତେବେ ଭୋଡାଫୋନ୍ ଯେତେବେଳେ କ୍ୟାପିଟାଲ ଗେନ୍ ଟ୍ୟାକ୍ସ ଦେବା ପାଇଁ ରାଜି ହୋଇଥିଲା ସେତେବଳେ ରେଟ୍ରୋସ୍ପୋକ୍ଟିବ୍ ମଧ୍ୟ ମାଗାଯାଇଥିଲା । ଅର୍ଥାତ ୨୦୦୭ ମସିହାରେ ଏହି ଡିଲ୍ ହୋଇଥିଲା । ଏବଂ ଇନକମ୍ ଟ୍ୟାକ୍ସ ଡିପାର୍ଟମେଣ୍ଟ ଲଗାତାର ବିଦହାେଲ୍ଡିଂ ଟ୍ୟାକ୍ସ ମାଗୁଥିଲା । ଏହା ପରେ କମ୍ପାନୀ ୨୦୧୨ରେ ଏହି ଡିମାଣ୍ଡ ବିରୋଧରେ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଥିଲା । ସୁପ୍ରିମକୋର୍ଟ ୨୦୦୭  ମସିହାରେ ନିଜ ରାୟରେ କହିଥିଲେ ଯେ, ଭୋଡାଫୋନ୍ ଇନ୍‌କମ୍ ଟ୍ୟାକ୍ସ ଆକ୍ଟ ୧୯୬୧କୁ ଠିକ୍ ବୁଝିଛନ୍ତି । ୨୦୦୭ ମସିହାରେ ଏହି ଡିଲ୍ ଟ୍ୟାକ୍ସ ପରିସରରେ ନଥିଲା ଏଣୁ ଏହା ଉପରେ ଟ୍ୟାକ୍ସ ଲଗାଯାଇପାରିବ ନାହିଁ । ତେବେ ଏହା ପରେ ସରକାର ଫାଇନାନ୍ସ ଆକ୍ଟ ୨୦୧୨ ଜରିଆରେ ରେଟ୍ରୋସ୍ପୋକ୍ଟିବ୍ ଟ୍ୟାକ୍ସ ଲାଗୁ କରିଥିଲା । ଅର୍ଥାତ ସରକାର ୨୦୧୨ରେ ଏହି ଆଇନ୍ ପ୍ରଣୟନ କରିଥିଲା । ୨୦୦୭ ରେ ଭୋଡାଫୋନ ଏବଂ ହଚିସନ୍ ମଧ୍ୟରେ ହୋଇଥିବା ଡିଲ୍ ଟ୍ୟାକ୍ସ ପରିସରଭୁକ୍ତ ହେବ । ଭୋଡାଫୋନ୍ ୩ ଜାନୁଆାରୀ ୨୦୧୩ରେ କହିଥିଲେ ଯେ, ଏହା ଦ୍ୱାରା ୧୪ ହଜାର ୨୦୦ କୋଟି ଟଙ୍କା ମଗାଯାଇଥିଲା । ଏହା ପ୍ରିନ୍ସିପାଲ୍ ଏବଂ ସୁଧ ଥିଲା କିନ୍ତୁ କୌଣସି ପେନେଲ୍ଟି ଯୋଡ଼ାଯାଇନଥିଲା ।

କରଣ ଜୋହରଙ୍କ ପାର୍ଟି ଉପରେ ଏବେ NCBର ନଜର, ଭିଡିଓରେ କୋକେନର ବ୍ୟବହାର ନେଇ ସନ୍ଦେହ