ବିଧାନସଭା ମୌସୁମୀ ଅଧିବେଶନ, ୨୮ ସନ୍ଧ୍ୟାରେ ବସିବ ବିଜେଡି ବିଧାୟକ ଦଳ ବୈଠକ
ଭୁବନେଶ୍ୱର: ଆସନ୍ତା ୨୯ ତାରିଖରୁ ବିଧାନସଭାର ମୌସୁମୀ ଅଧିବେଶନ ବସିବ । ତା’ପୂର୍ବରୁ ୨୮ ତାରିଖ ଦିନ ବିଜେଡି ବିଧାୟକ ଦଳ ବୈଠକ ବସିବ । ୨୮ ତାରିଖ ଦିନ ସନ୍ଧ୍ୟା ୫ଟା ୩୦ରେ ବିଧାନସଭାର ୫୪ ନମ୍ବର ପ୍ରକୋଷ୍ଠରେ ବସିବ ବିଜେଡି ବିଧାୟକ ଦଳ ବୈଠକଷ ଏଥିରେ ବିଜେଡିର ସମସ୍ତ ବିଧାୟକ ଓ ବିଧାୟିକା ଯୋଗଦେବେ । ଏହି ବୈଠକରେ ବିଧାନସଭା ଅଧିବେଶନ ନେଇ ଦଳର ରଣନୀତି ପ୍ରସ୍ତୁତ ହେବ ।
ଆସନ୍ତା ୨୯ ତାରିଖରୁ ଆରମ୍ଭ ହେବାକୁ ଥିବା ବିଧାନସଭା ମୌସୁମୀ ଅଧିବେଶନ ଅକ୍ଟୋବର ୭ ଯାଏଁ ଚାଲିବ । ଚଳିତ ଅଧିବେଶନରେ ପ୍ରଶ୍ନକାଳ ରହିବ ନାହିଁ । ଅଧିବେଶନ ନେଇ ଆଜି ବିଧାନସଭା ବାଚସ୍ପତିଙ୍କ ଅଧ୍ୟକ୍ଷତାରେ ସର୍ବଦଳୀୟ ବୈଠକ ବସିଥିଲା । ଆସନ୍ତାକାଲି ଠାରୁ ବିଧାୟକମାନଙ୍କ କୋଭିଡ୍ ଟେଷ୍ଟ କରାଯିବ ।
