ନଦୀ ବନ୍ଧ ନିର୍ମାଣ ଓ ମରାମତି ପାଇଁ ୨୩୮ କୋଟି ଦାବି

ଭୁବନେଶ୍ୱର: ଅଗଷ୍ଟ ବନ୍ୟାରେ ପ୍ରଭାବିତ ଜିଲ୍ଲାରେ ମୋଟ 38ଟି ଘାଇ ହୋଇଛି । ସ୍ଥାୟୀ ଓ ଅସ୍ଥାୟୀ ମରାମତି ପାଇଁ ୨୮୩ କୋଟି ଟଙ୍କା ଅନୁଦାନ ଦେବାକୁ କେନ୍ଦ୍ର ସରକାରଙ୍କୁ ନିବେଦନ କରାଯାଇଛି  । SRCଙ୍କ ଜରିଆରେ ଅନୁଦାନ ପାଇଁ ଚିଠି ଲେଖାଯାଇଛି ବୋଲି ସୂଚନା ଦେଇଛନ୍ତି ବନ୍ୟା ନିୟନ୍ତ୍ରଣ ମୁଖ୍ୟ ଯନ୍ତ୍ରୀ  । ଏହାସହ ବାକି ୬୪୮.୮୯ କୋଟି ଟଙ୍କା ଅନୁଦାନ ବିଭିନ୍ନ ବନ୍ଧକୁ ବନ୍ୟା ନିୟନ୍ତ୍ରଣ ପାଇଁ ସୁଦୃଢ଼ କରିବାକୁ ମଗାଯାଇଛି  । ବନ୍ୟାରେ ୯୯୬ କିଲୋମିଟର ନଦୀ ବନ୍ଧ ଆଂଶିକ ନଷ୍ଟ ହୋଇଛି । ୧୧ ଜିଲ୍ଲାର ୩୫୧ କିଲୋମିଟର ନଦୀ ବନ୍ଧ ସୁଦୃଢ଼ କରିବାକୁ ଅନୁଦାନ ଦାବି କରାଯାଇଛି  । ଏବେ ରାଜ୍ୟରେ ବନ୍ୟା ବିପଦ ନାହିଁ । ହେଲେ ଆଗାମୀ ବର୍ଷ ପାଇଁ ଏହାକୁ ପ୍ରସ୍ତୁତ କରିବାକୁ ପଡ଼ିବ ବୋଲି ଏହି ଅନୁଦାନ ମଗାଯାଇଛି  । ସମୁଦାୟ ୯୩୨ କୋଟି ୬୪ ଲକ୍ଷ ଟଙ୍କା ଅର୍ଥ ଅନୁଦାନ ମଗାଯାଇଛି ବୋଲି ସୂଚନା ଦେଇଛନ୍ତି ବନ୍ୟା ନିୟନ୍ତ୍ରଣ ମୁଖ୍ୟ ଯନ୍ତ୍ରୀ ସୁଶାନ୍ତ ରଥ  ।