ପ୍ଲେ ଷ୍ଟୋରକୁ ପୁଣି ଥରେ ଫେରିଲା Paytm, ଜାଣନ୍ତୁ କେଉଁ କାରଣରୁ ଗୁଗୁଲ ହଟାଇଥିଲା ଏହି ପେମେଣ୍ଟ ଆପ୍

ନୂଆଦିଲ୍ଲୀ: ଲୋକପ୍ରିୟ ପେମେଣ୍ଟ ଆପ୍ Paytm ଗୁଗୁଲ ପ୍ଲେ ଷ୍ଟୋରକୁ ପୁଣି ଥରେ ଫେରିଛି ଏବଂ ୟୁଜର୍ସ ଏବେ ଏହାକୁ ଡାଉନଲୋଡ କରିପାରିବେ । ଶୁକ୍ରବାର ଦିନ ଗୁଗୁଲ ଏହି ଆପକୁ ପ୍ଲେ ଷ୍ଟୋରରୁ ହଟାଇ ଦେଇଥିଲା । ଅବଶ୍ୟ ଏହାର କାରଣ ସାମ୍ନାକୁ ଆସିନଥିଲା । Techcrunch ର ଏକ ରିପୋର୍ଟ ମୁତାବକ ବାରମ୍ବାର ନିୟମ ଉଲଙ୍ଘନ କରିବାରୁ ସର୍ଚ୍ଚ ଇଞ୍ଜିନ କମ୍ପାନୀ ଗୁଗୁଲ ପ୍ଲେ ଷ୍ଟୋରରୁ Paytm କୁ ହଟାଇବାକୁ ନିଷ୍ପତ୍ତି ନେଇଥିଲା । କିନ୍ତୁ ପରବର୍ତ୍ତୀ ସମୟରେ ପୁଣି ଥରେ ପ୍ଲେ ଷ୍ଟୋରକୁ ଫେରିଛି Paytm ।

ଗୁଗୁଲ Paytm ଆପକୁ କିଛି କହିନାହିଁ କିନ୍ତୁ କମ୍ପାନୀ ତରଫରୁ ନିକଟରେ ଜୁଆ ଖେଳ (Gambling)କୁ ନେଇ ନିୟମର ଉଲଙ୍ଘନ ହୋଇଥିବାରୁ ଏକ Updated Blog Post ସେୟାର କରାଯାଇଥିଲା । Android Security and Privacy, ପ୍ରଡକ୍ଟର ଭାଇସ ପ୍ରେସିଡେଣ୍ଟ ସୁଜେନ ଫ୍ରେ ଏହି ବାବଦରେ କହିଛନ୍ତି ଯେ, ‘ଆମେ ଅନଲାଇନ କସିନୋର ଅନୁମତି ଦେଉନାହୁଁ ଅବା ଏଭଳି କୌଣସି ଆପ୍ କୁ ସପୋର୍ଟ କରୁନାହିଁ ଯାହା ଜୁଆ ଖେଳ ସହିତ ଜଡ଼ିତ ଥିବ ଏବଂ ସ୍ପୋର୍ଡସ ଉପରେ ବାଜି ଲଗାଇଲେ ଗେମ୍ସ ଅଫର କରୁଥିବ । ଏଥିରେ ଏଭଳି ଆପ ମଧ୍ୟ ସାମିଲ ରହିଛି, ଯାହା ଟଙ୍କା ବା ପ୍ରାଇଜ ଜିତାଇବା ଲୋଭ ଦେଖାଇ ୟୁଜର୍ସଙ୍କୁ କୌଣସି ଜୁଆଖେଳ ୱେବସାଇଟକୁ ପଠାଉଥିବ ।’

IPL ସମୟରେ ଲାଭରେ ରୁହନ୍ତୁ ଏଭଳି ଆପ୍

ପେମେଣ୍ଟ ଆପ୍ ଦ୍ୱାରା ପ୍ରଦାନ କରାଯାଉଥିବା ପେଟିଏମ୍ ଗେମିଂ ଆପ୍ ମଧ୍ୟ ପ୍ଲେ ଷ୍ଟୋରରୁ ହଟାଯାଇଥିଲା, ଏହା ପରେ କମ୍ପାନୀ ଟ୍ୱିଟ୍ କରି ଉପଭୋକ୍ତାମାନଙ୍କୁ ଆଶ୍ୱାସନା ଦେଇଛି ଯେ ସେମାନଙ୍କ ଟଙ୍କା ସମ୍ପୂର୍ଣ୍ଣ ସୁରକ୍ଷିତ ଅଛି ଏବଂ ଏହି ଆପ୍ ଖୁବ ଶୀଘ୍ର ପ୍ଲେ ଷ୍ଟୋରକୁ ଫେରିବ। ଭାରତର ଏକ ଲୋକପ୍ରିୟ କ୍ରିକେଟ୍ ଟୁର୍ନାମେଣ୍ଟ ଇଣ୍ଡିଆନ୍ ପ୍ରିମିୟର ଲିଗ୍ (ଆଇପିଏଲ୍), ଆରମ୍ଭ ହେବାକୁ ଯାଉଛି ଏବଂ ଏହା ସହିତ ଲୋକମାନେ ଏହିପରି ଅନେକ ଆପ୍ ଡାଉନଲୋଡ୍ କରିବା ଆରମ୍ଭ କରନ୍ତି, ଯେଉଁଥିରେ ଉପଭୋକ୍ତାମାନେ ଗେସ୍ ୱାର୍କ ଏବଂ ଟୁକ୍କା ମାରି ଟଙ୍କା ଜିତିପାରିବେ । ଗୁଗୁଲ ଏହିପରି ଆପ୍ସକୁ ସମର୍ଥନ କରେ ନାହିଁ ଏବଂ ଏହି କାରଣରୁ Paytm First Gamesକୁ ମଧ୍ୟ ଗୁଗୁଲ ପ୍ଲେ ଷ୍ଟୋରରୁ ହଟାଇ ଦିଆଯାଇଥିଲା ।

ଆଉ ରହିବନି ଜୁଆ ଖେଳ ସହ ଜଡ଼ିତ ଥିବା ଆପ୍ସ

ଗୁଗୁଲ ପୂର୍ବରୁ ମଧ୍ୟ Paytm ଆପରେ ମିଳୁଥିବା Gambling ସମ୍ବନ୍ଧୀୟ ଫିଚର ବିଷୟରେ ପ୍ରଶ୍ନ ଉଠାଇଥିଲା । ପେଟିଏମର ସହ-ପ୍ରତିଷ୍ଠାତା ତଥା ସିଇଓ ବିଜୟ ଶେଖର ଶର୍ମା ଦେଇଥିବା ଏକ ସାକ୍ଷାତକାରରେ ଏହାର ପୃଷ୍ଟି କରାଯାଇଥିଲା । ଏହା ସ୍ପଷ୍ଟ ଯେ ଗୁଗୁଲ, ପ୍ଲେ ଷ୍ଟୋରରେ ଏଭଳି କୌଣସି ଆପ୍ ଚାହୁଁନାହିଁ ଯାହା ସାହାଯ୍ୟରେ ଜୁଆ ଏବଂ ସଟ୍ଟେବାଜୀ କରାଯାଇପାରିବ । ଅନେକ ଆପ୍ ଟଙ୍କା ଲଗାଇବା ଏବଂ ସଠିକ ଗେସ କରିବାକୁ ମାଇଣ୍ଡ ଗେମ୍ସ ଏବଂ ସ୍କିଲ ଭଳି ପ୍ରଦର୍ଶିତ କରିଥାନ୍ତି । ଏହି କାରଣରୁ ଭାରତରେ ବେଟିଂ ବ୍ୟାନ ହେବା ପରେ ମଧ୍ୟ ତାହା ଭାରତୀୟ ଆଇନକୁ ଚକମା ଦେଇ ଆସୁଛି । କିନ୍ତୁ ଗୁଗୁଲ ଏସବୁକୁ ନେଇ ନିଜର ମନୋଭାବ ସ୍ପଷ୍ଟ କରିଛି ।