ପ୍ରକାଶ ପାଇଲା ଯୁକ୍ତ ୨ ପ୍ରଥମ ପର୍ଯ୍ୟାୟ କଟ୍ ଅଫ୍ ମାର୍କ, ବିଜ୍ଞାନରେ ରେଭେନ୍ସା ସର୍ବାଧିକ ୮୯ %
ଭୁବନେଶ୍ୱର: ଯୁକ୍ତ ଦୁଇ ନାମଲେଖା ପାଇଁ ପ୍ରଥମ ବର୍ଷ କଟ୍ ଅଫ୍ ମାର୍କ ପ୍ରକାଶ ପାଇଛି । ନାମଲେଖା ପାଇଁ ଆବେଦନ କରିଥିବା ୩ ଲକ୍ଷ ୮୪ ହଜାର ୨୭୯ ଛାତ୍ରଛାତ୍ରୀଙ୍କ ମଧ୍ୟରୁ ପ୍ରଥମ ପର୍ଯ୍ୟାୟରେ ୩ ଲକ୍ଷ ୪୭ ହଜାର ୬୨୬ ଜଣଙ୍କୁ ଚୟନ କରାଯାଇଛି ।
କଳାରେ ସାଧାରଣ ବର୍ଗ ପାଇଁ ରେଭେନ୍ସା ଉଚ୍ଚ ମାଧ୍ୟମିକ ସ୍କୁଲ ୭୨. ୫ ପ୍ରତିଶତ କଟ୍ ଅଫ୍ ମାର୍କ ରହିଛି । ସେହିଭଳି ଏସସି ବର୍ଗରେ ଭୁବନେଶ୍ୱର ବିଜେବି ଉଚ୍ଚ ମାଧ୍ୟମିକ ସ୍କୁଲ ୫୮.୩୩ ପ୍ରତିଶତ କଟ୍ ଅଫ୍ ମାର୍କ ରଖିଛି । ଏସଟି ବର୍ଗରେ ରାଉରକେଲା ସରକାରୀ ଉଚ୍ଚ ମାଧ୍ୟମିକ ସ୍କୁଲ ୬୨.୬୭ ପ୍ରତିଶତ କଟ୍ ଅଫ୍ ମାର୍କ ରଖିଛି ।
ବିଜ୍ଞାନ ସାଧାରଣ ବର୍ଗରେ ରେଭେନ୍ସା ଉଚ୍ଚ ମାଧ୍ୟମିକ ସ୍କୁଲ ୮୯ ପ୍ରତିଶତ କଟ୍ ଅଫ୍ ମାର୍କ ରଖିଛି । ଏସଟି ବର୍ଗରେ ବିଜେବି ଭୁବନେଶ୍ୱର ୭୨.୪ ପ୍ରତିଶତ, ଏସସି ବର୍ଗରେ ବର୍ଗରେ ରେଭେନ୍ସା ୮୦ ପ୍ରତିଶତ କଟ୍ ଅଫ୍ ମାର୍କ ରଖିଛନ୍ତି ।
ସେହିଭଳି ବାଣିଜ୍ୟ ସାଧାରଣ ବର୍ଗରେ ରେଭେନ୍ସା ୭୫.୮୩ ପ୍ରତିଶତ ଏସସି ଓ ଏସଟି ବର୍ଗରେ ରାଉରକେଲା ସରକାରୀ ଉଚ୍ଚ ମାଧ୍ୟମିକ ସ୍କୁଲ ଯଥାକ୍ରମେ ୫୭.୬୭ ପ୍ରତିଶତ ଓ ୬୩.୬୭ ପ୍ରତିଶତ କଟ ଅଫ ମାର୍କ ରଖିଛନ୍ତି ।
