ବଢ଼ୁଛି ହସ୍ତତନ୍ତର ଚାହିଦା, ଇ-କମର୍ସ ଜରିଆରେ ଆସୁଛି ଅଧିକ ଅର୍ଡର
1 min read
ଭୁବନେଶ୍ୱର:(ଶତରୂପା ସାମନ୍ତରାୟ): ମହାମାରୀ ବେଳେ ବଢୁଛି ଇ-କମର୍ସ ବ୍ୟବସାୟ । ଭୂତାଣୁ ଭୟରେ ଲୋକେ ଦେକାନକୁ ଯିବା ପାଇଁ ଭୟ କରୁଥିବା ବେଳେ ଅନଲାଇନ କିଣାବିକାକୁ ବେଶି ପସନ୍ଦ କରୁଛନ୍ତି । ଯାହାର ଏକ ଭଲ ପ୍ରଭାବ ରାଜ୍ୟର ହସ୍ତତନ୍ତ ଉପରେ ପଡିଛି । ଇ-କର୍ମସ ସାଇଡ୍ରୁ ହାତ ତିଆରି ଜିନିଷକୁ କିଣିବା ପାଇଁ ଆଗ୍ରହୀ ହେଉଛନ୍ତି ଲୋକେ ।
ଭୂତାଣୁ ଭୟ ଭିତରେ ଇ-କମର୍ସରେ ବଢୁଛି ହେଣ୍ଡଲୁମ ଜିନିଷର ଚାହିଦା । ଲୋକେ ଡିମାଣ୍ଡ କରୁଛନ୍ତି ଭଳିକି ଭଳି ହସ୍ତତନ୍ତ ବସ୍ତ୍ର ସହ ହାତ ଖୋଦେଇ ମୂର୍ତ୍ତି । କେବଳ ରାଜ୍ୟରେ ନୁହଁ ଦେଶ ବିଦେଶରୁ ବି ରହୁଛି ଅର୍ଡର । ଓଡ଼ିଶାର ସମସ୍ତ ହେଣ୍ଡଲୁମ୍ ଲୁଗାପଟା ଇ-ବ୍ୟବସାୟ ମାଧ୍ୟମରେ ପହଞ୍ଚୁଛି ବିଦେଶରେ । ଫଳରେ କରୋନା ସଙ୍କଟରେ ବ୍ୟବସାୟର ନୂଆ ରାହା ଦେଖାଇଛି ଇ-କମର୍ସ । ବେଶ୍ ଦୁଇ ପଇସା ଲାଭ ପାଇଁ ନିଜକୁ ସ୍ୱାବଲମ୍ବି କରିଛନ୍ତି ହସ୍ତ କାରିଗର ।
ରାଜ୍ୟ ସରକାର ସବୁସମୟରେ ଓଡ଼ିଶାର ହସ୍ତତନ୍ତକୁ ପ୍ରୋତ୍ସାହନ ଦେଇ ଆସୁଛନ୍ତି । ଏନେଇ ରାଜ୍ୟ ସରକାରଙ୍କ ତରଫରୁ ନିଜର ଇ-କମର୍ସ ସାଇଡ୍ ମଧ୍ୟ ଖୋଲାଯାଇଛି । ପ୍ରତିଟି କାରିଗର ଏହି ସାଇଡ୍ରେ ସହାୟତା ନେଲେ ନିଜ ବ୍ୟବସାୟିକୁ ସ୍ୱାଭାବିକ କରିପାରିବେ କୁହାଯାଇଛି ।
