ନୂଆଦିଲ୍ଲୀ : ଗୁରୁବାର ଜିଏସଟି କାଉନସିଲ୍ ବୈଠକ ଥିଲା । ବୈଠକର ଆଲୋଚନାକୁ ଜଣାଇବା ପାଇଁ ଅର୍ଥମନ୍ତ୍ରୀ ନିର୍ମଳ ସୀତାରମଣ ସାମ୍ୱାଦିକ ସମ୍ମିଳନୀ କରିଥିଲେ । ତେବେ କୋଭିଡ୍ ସମୟରେ ଦେଶର ରାଜ୍ୟ ସହ ଜିଏସଟି ଭାଗବଣ୍ଟା ନେଇ ଉତ୍ତର ରଖିବା ବେଳେ ନର୍ମଳା ସୀତାରମଣ ଏକ ବିବାଦୀୟ ମନ୍ତବ୍ୟ ଦେଇଛନ୍ତି । କରୋନା ମହାମାରୀକୁ ନିର୍ମଳା ଦୈବୀକୃତ ବୋଲି କହି ବିବାଦରେ ଛନ୍ଦି ହୋଇଛନ୍ତି ।
I am reliably informed that FM N. Sitharaman told a meeting that COVID-19 is an act God!! I will post the video soon. Was the decline in annual growth rate in GDP from 8 % in FY 15 to (1st Qtr 2020) 3.1 % pre-C0VID, also an act of God ?
— Subramanian Swamy (@Swamy39) August 28, 2020
କେନ୍ଦ୍ର ଅର୍ଥମନ୍ତ୍ରୀଙ୍କର ଏଭଳି ମନ୍ତବ୍ୟକୁ ବିଜେପିର ସାଂସଦ ସୁବ୍ରମନ୍ୟନ୍ ସ୍ୱାମୀ କଡ଼ା ଭାବେ ସମାଲୋଚନା କରିବା ସହ ଅର୍ଥମନ୍ତ୍ରୀଙ୍କୁ ଉପହାସ ମଧ୍ୟ କରିଛନ୍ତି । କଟାକ୍ଷ କରି ସେ ଏସମ୍ୱନ୍ଧରେ ଟ୍ୱିଟର କରି ଲେଖିଛନ୍ତି ଯେ, ମୁଁ ଏବେ ଜାଣିବାକୁ ପାଇଲି ଯେ ଅର୍ଥମନ୍ତ୍ରୀ ନିର୍ମଳା ସୀତାରମଣ ଏକ ଆଲୋଚନାରେ କୋଭିଡ୍୧୯କୁ ଦୈବୀକୃତ ବୋଲି କହିଛନ୍ତି । ମୁଁ ଖୁବ୍ ଶୀଘ୍ର ଏହାର ଭିଡିଓ ପୋଷ୍ଟ କରିବି । ୨୦୧୫ ମସିହାର ଦେଶର ୮ ପ୍ରତିଶତର ଜିଡିପି ଅଭିବୃଦ୍ଧି କରୋନା ପୂର୍ବରୁ ୩.୧ ପ୍ରତିଶତ ଚାଲି ଆସିବା ମଧ୍ୟ ଦୈବୀକୃତ କି ?
actofgod https://t.co/i2BobQ1H3y via @YouTube
— Subramanian Swamy (@Swamy39) August 28, 2020
ନିଜ ସାମାଜିକ ଗଣମାଧ୍ୟମରେ ଏଭଳି ପୋଷ୍ଟ କରିବା ପରେ ବିଜେପି ସାଂସଦ ସୁବ୍ରମନ୍ୟନ୍ ସ୍ୱାମୀ ଏସମ୍ୱନ୍ଧୀତ ଭିଡିଓ ମଧ୍ୟ ପୋଷ୍ଟ କରିଥିଲେ । ଯେଉଁ ଭିଡିଓରେ ନିର୍ମଳା ସୀତାରମଣ କୋଭିଡକୁ ଦୈବୀକୃତ ବୋଲି କହୁଛନ୍ତି । ଭିଡିଓ କନଫରେନ୍ସିଂ ଜରିଆରେ ସାମ୍ୱାଦିକଙ୍କ ପ୍ରଶ୍ନର ଉତ୍ତର ରଖିବା ବେଳେ ଶ୍ରୀମତୀ ସୀତାରମଣ ଏଭଳି ମନ୍ତବ୍ୟ ରଖିଥିଲେ । ଉଲ୍ଲେଖଯୋଗ୍ୟ ଯେ ଅର୍ଥମନ୍ତ୍ରୀ ନିର୍ମଳା ସୀତାରମଣ ବିଗତ ଦିନରେ ମଧ୍ୟ ଅନେକ ବିବାଦୀୟ ମନ୍ତବ୍ୟ ଦେଇ ଟ୍ରୋଲ୍ ହୋଇ ସାରିଛନ୍ତି । ଅନ୍ୟପକ୍ଷରେ ସୁବ୍ରମନ୍ୟମ୍ ସ୍ୱାମୀ ସଦା ସର୍ବଦା ନିଜର ସିଧାସଳଖ ଓ ବିବାଦୀୟ ବୟାନ ପାଇଁ ଚର୍ଚ୍ଚାରେ ରୁହନ୍ତି ।
