ଗବେଷଣା: ୬୦ ବର୍ଷରୁ କମ ମୋଟା ବ୍ୟକ୍ତିଙ୍କ କରୋନା ମୃତ୍ୟୁ ଆଶଙ୍କା ଅଧିକ

କାଲିଫର୍ଣ୍ଣିଆ: ସମସ୍ତେ ଜାଣନ୍ତି କି ସବୁ ବର୍ଗର ବ୍ୟକ୍ତିଙ୍କୁ କରୋନା ହେଉଛି । କିନ୍ତୁ ଯେଉଁ ବର୍ଗର ବ୍ୟକ୍ତି ବିଶେଷଙ୍କର ଅଧିକ ସଂଖ୍ୟାରେ କରୋନାରେ ମୃତ୍ୟୁ ହେଉଛି ଆମେ ସେମାନଙ୍କ ବିଷୟରେ ଆଲୋଚନା କରିବା । ନିକଟରେ ହୋଇଥିବା ଏକ ଗବେଷଣାରେ ସାମ୍ନାକୁ ଆସିଥିବା ଖବର ଅନୁସାରେ ୬୦ ବର୍ଷରୁ କମ ମୋଟା ମହିଳାଙ୍କ ବ୍ୟତୀତ ଅଧିକ ପରୁଷଙ୍କ ମୃତ୍ୟୁ ହେଉଛି । ଯାହାର ଅର୍ଥ ଅଧିକ ମୃତ୍ୟୁ ଆଶଙ୍କା ପୁରୁଷଙ୍କ ଉପରେ ରହିଥାଏ ।

Kaiser Permanente Southern California Health Systemର ଗବେଷକ ନିକଟରେ ୭୦୦୦ କରୋନା ମାମଲାକୁ ନେଇ ଗବେଷଣା କଲେ । ତାଙ୍କ କହିବା ଅନୁସାରେ ଯଦି ଅନ୍ୟ ସମସ୍ତ ରୋଗ ଏବଂ ପରିସ୍ଥିତିକୁ ଏଥିରୁ ବାହାର କରିଦିଆଯାଏ,ତେବେ ମେଦ ବହୁଳତା ଗୋଟିଏ କାରଣ ଯାହାଦ୍ୱାରା ୬୦ ବର୍ଷରୁ କମ ବୟସ୍କ ପୁରୁଷଙ୍କର ଅଧିକ ମୃତ୍ୟୁ ହୋଇଥାଏ । ଗବେଷଣାରେ କୁହାଯାଇଛି କି ଅତ୍ୟଧିକ ମୋଟା ଲୋକଙ୍କ ଶରୀରର Body Mass Index ୪୦ ପଏଣ୍ଟରୁ ଅଧିକ । ତେଣୁ କରୋନାରେ ଏମାନଙ୍କ ମୃତ୍ୟୁ ଆଶଙ୍କା ତିନି ଗୁଣା ବଢିଯାଏ । ଯଦି ଏହି ପଏଣ୍ଟ ୪୫ ଅତିକ୍ରମ କରୁଛି ତେବେ ମୃତ୍ୟୁ ଆଶଙ୍କା ୪ ଗୁଣା ବଢିଯାଏ । ଉଭୟ ପରିସ୍ଥିତିରେ ପୁରୁଷଙ୍କ ମୃତ୍ୟ ଆଶଙ୍କା ଅଧିକ ।

କହିରଖୁଛୁ ଏହି ବିଷୟକୁ ନେଇ ଇଉରୋପରେ ମଧ୍ୟ ଏକ ଗବେଷଣା କରାଯାଇଥିଲା । ଯେଉଁଥିରୁ ଜଣାପଡ଼ିଲା କି ସେଠାରେ ଦୁଇ-ତୃତୀୟାଂଶ ମୋଟା ବ୍ୟକ୍ତି ଥିଲେ । କେବଳ ୟୁ.କେ.ରେ କରୋନା ସଂକ୍ରମିତ ରୋଗୀଙ୍କ ମଧ୍ୟରୁ ୬୩ ପ୍ରତିଶତ ଆଇସିୟୁରେ ଅଛନ୍ତି । ଏହି ସମସ୍ତେ ମୋଟା ବ୍ୟକ୍ତି । ମାର୍ଚ୍ଚରେ ୟୁ.କେ.ରେ ଆଇସିୟୁରେ ଆଡମିଟ ହୋଇଥିବା ୧୯୪ ଲୋକଙ୍କ ମଧ୍ୟରୁ ପ୍ରାୟ ୧୩୦ ଜଣ ମୋଟା ବ୍ୟକ୍ତି ଥିଲେ । ତେବେ ଆଇସିୟୁରେ ଆଡମିଟ ହୋଇଥିବା ୧୯୪ ଜଣ ରୋଗୀଙ୍କ ମଧ୍ୟରୁ ୧୩୯ ଜଣ କେବଳ ପୁରୁଷ ଥିଲେ । ଏହା ସହିତ ଅଧିକାଂଶ ମୋଟା ବ୍ୟକ୍ତିଙ୍କର ଫୁସଫୁସ ଜନିତ ସମସ୍ୟା ଥାଏ । ଡାକ୍ତରଙ୍କ କହିବା ଅନୁସାରେ ମୋଟା ବ୍ୟକ୍ତିଙ୍କ ରୋଗ ପ୍ରତିରୋଧକ ଶକ୍ତି ଏତେ ଭଲ ନଥାଏ । ଏମାନଙ୍କ ଇମ୍ୟୁନ ସିଷ୍ଟମ କମଜୋର ହୋଇଥାଏ ।